今日肥鬼個同事路過順到嚟攞兩個 smoke detector (煙霧探測器) 係樓下傾偈一陣。
講開的煙霧探測器好鬼敏感，我試過冬天沖涼的水熱的，沖沖吓佢係到響，好在係晏晝無人時，攪到要即刻出去"樣"毛巾。。。
之後肥鬼同個同事就話如果煙霧探測器可以探埋臭味就好囉！因為佢地有個同事，次次去開大之後個廁所就變咗"案發現場"咁樣，仲要的香味係會勁到走晒出嚟嘅。所以個個同事都好留意佢幾時係廁所出嚟，因為大家要運路走。
而嚟攞探測器嘅呢位新同事，就投訴話無人通知佢呢一個咁重要嘅國防機密，攪到佢嗰朝行過時，中人欲嘔的香味撲面而來，佢直頭係 taste 到的臭味，真係差啲 knock me out 咁話。
當我地學英文嘅時候，知道聞 係 smell 但係原來佢地形容超級嘅臭味，都會話係 taste (嚐) 得到。
而拳擊賽入面成日話 KO 咗邊個，就係 knock out 即係話的臭味勁到撲面來擊倒佢咁樣。
我地廣東話因為睇得星爺多，反而用咗"聞一聞精神爽利"嚟暗示呢個臭味。
No comments:
Post a Comment