舖路

好耐之前係飛時book 舖過呢張相。

當日出嚟行路時，因為前一日落雨，然後夜晚氣温驟降，所以呢條舖得好靚好平嘅磚路變咗冰路。

(尋晚的大雪再加大風) 

當時有感而發，想起香港的一眾父母，都因為環境變得越越差，好驚子女將來入唔到好學校出嚟揾唔到工而不停幫佢地舖路。

係分享的文字裏就是說出了上面舖得靚靚的磚路，一經過落雨然後結冰，就會屣到你仆街，反而係要行係旁邊凹凸不平草地上面先安全嘅。
暗示的就是家長們都幫仔女舖路，點知人生一個大嘅轉變突然嚟到，嗰個都唔識得應變了。

利申：我係無子女的啊！一切都是紙上談兵。

當時有朋友話無想過呢點 或是 呢個比喻幾好啊 等等等等。
最奇怪係我嘅阿爸，竟然回答說 "唔幫佢舖路，第日麻怨你呀！" (???)  我想講話，我地幾兄弟姊妹無人麻怨過佢的乜嘢喎，究竟佢呢個睇法係邊到嚟嘅呢。

然後再奇怪的嘅就係，我竟然有個同學附和我阿爸嘅睇法 (???)...

其實，要詳盡的去講的話，與其你去幫佢舖路，不如你拖住佢手，同佢一齊去行，去教佢，唔同嘅路應該點行，係咪仲好的呢？人生嘅野，你可以同佢舖條路舖得幾遠呢？有時，你舖咗呢條，但係佢想行嗰條喎，咁點呢？

乜唔係又係中國人有句說話 "路係人行出嚟嘅" (!!)  到頭來，又係怕蝕底嘅心態，最後就係等人行順咗條路你先去跟住行。。。
其實要話講一套，做一套，真係中國人最在行。