之前試過用杏仁粉做麵包，始終因為無酵母同麵粉的筋性係入面，做唔到鬆軟嘅感覺，都係比普通麵飽實咗少少，食落就似米粉做的麵飽 (rice flour bread) 米粉做嘅麵飽，係呢邊都好普遍，因為呢邊好多人對麩 (gluten) 敏感，所以就轉食 gluten-free (無麩質) 嘅麵包，米粉包係其中一種。
今日揾咗個蛋糕食譜，睇吓可唔可以自己調較番一個自己鐘意嘅鬆軟度。
我一向都係會睇幾個食譜然後"自創"一的野出嚟嘅，所以我睇咗幾個之後，我決定用 lard (豬油) + 代糖打起佢，加蛋黃 + 奶，之後加乾材料，重點係 baking soda (疏打粉) 同醋 (vinegar) 然後再將粉漿混入打起的蛋白。
哈哈，超好味呀！！！同平時我整嘅蛋糕一樣咁鬆。嗰的係鮮忌廉，同一盒盒嗰的係唔同架，好味到爆呀！！
今日見到呢個小池塘。
見到水邊嘅波紋嗎？
想話依家仲有人知一樣野叫地圖嗎？
唔係電話入面嗰 app... 係真的一張張報紙咁大張嘅地圖！
想起我中學時教地理的老師。
佢有無料我真係唔知，因為呢位老師最出名就係 monotone 佢係年紀大少少嘅 (其他老師都係大學出嚟無耐) 唔知點解佢係做乜嘢都係慢動作嘅，連講野都係，再加上monotone (講野無大細聲高低音) 真係好催眠！！
依家咁樣講好似好無禮貌，但係，自己都讀咗咁多年書之後，覺得作為教師重點唔係你自己有幾多知識，而係你有乜嘢方法將你有嘅知識傳(教) 比個學生，要有能力將復雜的知識簡易咁講明個學生。
好無奈，呢位老師很好人但佢真係無咁嘅能力。
我點知？
因為佢教地理我都讀得好辛苦又讀極都唔好，咁會考就到，要出去補習，遇上一位可風的女老師，真係一講就明。。。
好記當年係喺補習呢到學識地圖點睇架。好似呢個水塘邊邊的波紋咁樣，係地圖上面越密的話即係個山坡越斜(係短嘅距離入面高咗好多)
No comments:
Post a Comment