其實我學過一樣叫口風琴嘅野。
係由口琴演變出嚟嘅，叫 Melodica
有一條管道，你要一邊吹氣一邊彈奏的。
最近呢兩位人兄令到口風琴又再變得有趣。。。
搜尋口風琴就會見到佢地，一睇到呢條片，就知道齋學一樣樂器同愛玩一樣樂器的分別！！！
其實仲有無人知呢樣野係乜架科？
我記得我學的那個，係比呢個長少少嘅。
好記得係黃色硬膠盒 加 白色扣。
依家係網上揾的圖，全都係肉酸的紅藍綠，我覺得我黃色呢個最靚！！！
我的父母在環境仲係好緊張嘅情況下，仍然盡可能培育我地！！！
係小學生的時候嘅事。
點解我細個的相總係唔記得拉起對襪！！！
都唔記得長同短的口風琴有乜分別。
呢張相背面寫住1985年！！！ 應該係口風琴節，係紅館呀！！！1983年起好嘅紅館，嗰日仲係好新鮮嘅地標，我地大鄉里出城，一家三口仲順到去埋理工參觀一吓。
唔知點解好有印象，當年教我嘅老師係張家誠先生。係小學四年班，星期五放學就去音樂室學一小時，好記得嗰時覺得佢似一個推銷員，因為每次佢嚟上堂總之神色葱葱，拿著一個大大的沉重的公事包。
上網搜尋一下，張家誠老師現在仍然在教口風琴，實是可敬。
後嚟點解無再繼續學？唔記得lu...
反而係一路都有唱合唱團，小學到中學，大學時因為讀酒店系，由第一年開始已經要出去實習，四日返學兩日返工，淨番一日狂瞓覺。
到一出嚟做野嗰陣，咁啱因為阿哥女友(依家係阿嫂) 嘅上司係唱合唱團的，就介紹去參加，一唱直到搬去美國。
唔識睇五線譜，但係有一雙靈敏的耳朵！！！
每次學唱新的歌，就係靠伴奏彈首歌出嚟，聽幾次我就識唱。
依家嘅難處除咗我的眼耳口鼻唔聽使之外，就係"我自己就係伴奏"要自己計埋的拍子，睇音符去計個音要唔要拉長，拉幾長。
以前覺得學一首歌好易，因為伴奏將最難的做了。
我嘅目標係有朝一日自己睇住張紙可以彈到佢出嚟。加油！！！
No comments:
Post a Comment