蟻

先講尋晚發的夢。

我地以前有隻貓，搬嚟之前兩年瓜咗。
之後都想再養但係成日心大心細。
我成日同肥鬼講再養的話要女仔貓，要灰色的。
Set 咁多條件係希望有一日係收容所見到佢嘅時候可以二話不說，推想係緣份令我地遇到，咁就可以直接抱佢返屋企。

Anyway 尋晚發夢，唔知去鬼咗邊到，有隻灰色的貓，有名架，叫 kevin the cat 佢識同我講嘢架。我仲問佢係咪我幻聽，佢答話唔係，而佢真係可以同我講嘢架！

咁今日同肥鬼出去，因為佢突然好想食炸魚，順便記起就去睇吓揾唔揾到對返工鞋比佢，咁啱行出嚟經過見到貓砂，我就話佢知可能係時候養貓喇，blah blah blah 講個夢佢聽啦。。。

佢話"你唔好講咁大聲呀，的路人聽到以為你痴線架！！！" 再加個得戚的笑臉(smirk) ，就咁就想耍走我。。。

大風到起晒皺紋

Oh 蟻的問題。
上幾星期開始見到有零星的蟻的踪影。
給管理處一個電郵問吓佢地有無安排出面春季除蟲？因為淨係我係屋入面噴殺人水，佢係外面係咁走入嚟無用架麻。。。
點知的人反應大到，send 兩張相嚟問係咪呢的蟻！！！(好似紅火蟻咁樣的) 跟住再整多個電郵嚟話滅蟲人員聽日上嚟。
All right!!!

講食炸魚。
本來今日想去一間 local 野嗰到食，搜尋過係附近頭三名，仲要其餘兩名都係有少少規模的(多過一間舖) 所以係星期一例假。

去到竟然好似返咗80年代香港屋邨的地舖咁樣，"東主有要事，今日下晏開門"...
就係咁樣，我地同呢間嘢嘅炸魚嘅緣份好似無乜料到，又要再等另一個時機。

今日仲係超大浪。

呢張影得好清楚，

有兩行打横的浪然後左邊同時有一行打直的浪

係因為超大浪打埋嚟，然後反撞出去同時發生

呢邊好多時都有呢個情形

係外海時的船遇到呢種浪要更加小心

因為係好難駛出呢的浪嘅範圍架

 超多白頭浪

企係碼頭睇浪再同時感受的風將你吹郁真係幾好玩。最緊要著夠衫。