不過我不嬲行事都係隨心的，即係完全無章法嘅，是旦啦。。。
其實一路都無寫回顧嘅習慣，不過今年 (2017) 對我自己嚟講喺幾特別嘅，所以先想寫個記錄。
過嚟嘅第一年，忙著適應新嘅生活環境，所以只係感覺放緊一個好長嘅假期。再加上之前係香港一路都有做野，帶咗筆$$過嚟渡日。
之後好快就去咗 walmxxt 嗰到做野，過日晨。
話就話過日晨，但係我嘅性格總係唔識 hea 做，遇上了一個很好的同事，兩個人負責同一個部門，雖然我只係兼識，但就做到好似全識咁。。。
直到搬嚟呢邊。
原先都心大心細，諗住適應過後再算。。。
諗吓諗吓之後，發現自己唔經唔覺做咗全職煮婦一整年了。。。
最大嘅分別，就係無咗自己嗰份收入囉。唔係好大份嘅 (只不過係兼職仲要係最低收入嘅兼職！) 但就係比到自己一個 (賴係) 經濟獨立嘅感覺！簡單嚟講即係想買個手袋都可以豪氣地話買就買。。。
話時話，以前做女嗰陣嘅 shopaholic (瘋狂購物) 嗰條筋早就斷咗。但係做服裝部門，成日有大減價，都好鬼容易燒到！豪氣地買手袋已經係上一世嘅事，未走前豪氣的shopping 就係買 $1 / $3 / $5嗰的減價貨，都好開心架。。。
不過依家就無lu 都唔係乜嘢一人收入嘅問題，總之就係覺得唔係自己錢，每一分錢都要係認真咁去洗。
這是20年前嘅自己想像不到的。
其實，好多謝肥鬼從來都無 question 我點樣洗佢的錢，反而佢係成日同我講平野無好野 (例如我諗咗好耐個蒸氣地拖，佢係想我買架貴野返嚟！但係我自己肉赤呀，唔好用咁點算？)
係我自己父母身上就唔係呢回事。
兩個人一同生活要做好多決定，唔多唔少都實同經濟有關啦。阿爸阿媽一生中(係我地細個時) 有幾次嘅大 deal , 唔知佢兩個係點樣做決定嘅，總之就係最後投資失利件事"鑊咗" 從此阿爸就成日麻怨阿媽令佢投資失利(?) 咁多年之後造成了阿媽成日反怨阿爸常年麻怨佢。
我唔知點解佢兩個會這樣相處，係唔係其實佢兩個都係獨立好的？
世事嘅野好奇怪。
當時，我話要同呢個人一齊嗰陣，阿嫂(係社工) 同我傾計叫我諗清楚，佢話我地天各一方無相處過就搬過嚟有的危(相處唔好點算？)
但係，事實係肥鬼真係由第一日開始就乜都問我，每日食乜？出街著乜？去邊？放假想做乜嘢？搬唔搬？搬去邊？對於獅子座嘅我，佢係堅過石堅嘅超級尊重。當然我亦很識相的，很多大事情係以佢決定做主。
有一次肥鬼又問我一件小事，剪頭髮？去按摩？買件衫？總之就係好小的事，小到我都唔記得，我答佢你想做就做呀，唔使乜都問我呀！
我順道又問番佢：做乜事事都要問過我？
佢答：why I let you come into my life and dictate everything???
關於 Dictate 呢個字，我淨係識 dictator (獨裁者) 即係對於肥鬼嚟講，我地結婚，對於佢就係全心全意的將自己交給我(管)
佢地外國人有句說話： happy wife happy life
我覺得肥鬼真係好了解我，比我自己還要多，佢簡直就係睇穿我了，我都幾意外因為其實我都唔知(唔覺) 原來我咁鐘意管人架。。。哈哈哈哈
No comments:
Post a Comment