今日啱啱又要較番 daylight saving 好鬼煩！
其實與其將的時間較嚟較去，我覺得直頭將冬天辦工時間改為 10am - 4pm 仲好啦。。。
今日的雲層好鬼變化多端，呢張係剛出嚟嗰時。
行得一陣又出藍天
係呢個位置我直頭企咗係到睇，
好似去咗太空館咁樣，不同的是，這是實景呀，
的雲低到好似我 un 高腳就會掂到咁呀！
✈✈✈✈✈✈✈✈✈✈✈
醒起搬嚟嗰時，住咗成個月酒店，日日煲舊劇，嗰陣都留意到一個嫁娶問題。
煲嘅舊劇係射鵰英雄傳，有無發覺，人人都想幫郭靖揾老婆？由佢阿媽，到師父們，到大汗，人人都話想佢娶呢個娶嗰個，唯獨是佢自己想娶嘅黃蓉，就人人都話佢妖女，唔比佢娶，唔係就要生要死，又斷六親，又唔再認佢做徒弟。。。
有無發覺，呢的事係亞洲簡直係日日上演。
可想而知儒教嘅影響有幾深遠。。。
呢的傳統嘅儒教思想，好鐘意自己唔管，走去管人地！係書簿字面上就有好多 "多管閒事" "己所不慾勿施於人" 但係到實行上就成日淨係諗控制別人，管別人嘅事。
兒女 - 好明顯係別人。呢一點係東方同西方好大差別。當佢長大成人，佢就係一個個體，有獨立思想，唔再受你控制，你亦唔應該控制佢。
係東方，就算父母係開明的，但係家族入面總有好多姨媽姑姐不停比意見你，應該點做點做，佢地乜都識，食鹽多過你食米，你就永遠乜都係錯，乜都唔識。
嚟咗呢邊咁囉，肥鬼的家庭聚會，無人會咁架。有人問你意見，你就講你嘅意見分享，但係唔會係咁話人你應該點做點做。。。
我唔係話西方無安排嫁娶呢回事 (西方的皇室一樣係將個公主嫁比隔鄰嘅皇室大家好做事！) 但係，隨住西方國家文明開放之後，一般都係尊重個人意願，由其是嫁娶呢的 "又唔係你同佢做人世" 嘅事。。。
但係亞洲，大陸依家肯定仲有，例如西藏蒙古新疆嗰到，中共係強迫佢地娶中國人嚟溝淡佢地嘅人口。
印度仍然係阿爸話嫁邊個就邊嗰，自己揾男友發生咗性關係的話，家族係合法殺咗佢 (話佢有損家族名譽)... 中東就更加封閉啦，話時話，的女權運動嘅人又唔去呢的地方解放佢地嘅？！
No comments:
Post a Comment