獨身

朋友打電話嚟傾咗一陣。

係小學到中學同學嚟嘅，佢係中五之後就過咗嚟。
一路都唔熟架，直至我過咗嚟之後係 飛時book 遇番，發現大家因緣際會之下都一同定居美國，咁先至間唔時傾吓電話。

好奇怪，以前一的都唔熟嘅兩個人，經歷過唔同嘅文化沖擊，依家反而思想近了。

大家都係 飛時book 有著一樣的中學同學 friend 有的佢熟嘅，有的我熟嘅。
不約而同，大家都留意到有幾位女同學，事業非常成功，係社交媒體表現的盡是多姿多彩的工作和旅遊，就是沒有另一半的影子。

我的呢位同學，出於關心，耐唔時都會同佢地聯絡一吓，其中都會隨口問吓有無拍拖呀？得到的答案總是 1. 靜默 2. 左右言他 3. 哈哈哈哈

其實，獨身真係咁忌諱嘅一樣野？
嚟咗呢邊咁耐，我完全覺得獨身不是問題，係"咁大個人都不能老實的坦然面對" 呢個先係問題。

當然，你可以話呢個係個人問題，外人唔應該多口問，但係社交媒體就表現到自己生活很好，然後朋友隨口的關心就間接證明了自己心入面有一條刺，有必要裝假面具比人睇嗎？很 proud of 自己的成功，一個人也活得多姿多采 有問題嗎？

(上面係呢兩星期的 storm surge 沖嚟嘅大樹，很神奇，每日出去，佢都沖到去不同位置。
係上面張相睇到，佢原先係右邊的大海嗰邊嘅，沖吓沖吓，兜個灣沖咗入嚟泊船嘅海灣入面。)