偵探片

講睇電視。
除了科幻片外，另一類我地鐘意睇嘅就係偵探片。

先講依家睇緊嘅。

睇過美國嘅電視劇之後再睇呢邊的電視劇，就會好感受到歐洲英法德嗰的劇嘅風味，係好唔同嘅。
深沉好多，靜好多(真係唔可以傾計同埋要好靜嘅環境咁樣睇) 節奏係慢的嘅，但係睇嘅時候會唔覺時間過，好快又一集，好想追下一集(所以我地依家死忍要等完晒先一次過睇)

偶然間遇上呢一套。
其實呢套先係第一套喺呢邊認識嘅偵探片，好鐘意，跟住第二套先發現 Cardinal 可惜睇網上評語 的人唔係咁接受 Mr Bean 做 Maigret 好似斬纜了！！我地好鐘意呢套，希望會繼續拍啦！

呢套喺美國的，都幾長命，仲做緊。
不過呢張相係舊嘅，因為中間(左四) 男嗰個擘砲唔撈，換咗左邊第二個做leader 我覺得只係ok 肥鬼就話無乜分別都幾好，每集的故事仍然算係新鮮，跟得上每日發生嘅事。

呢套喺我地 all time favorite 攪笑，唔係成日淨係得槍戰嘅，會好唔明顯的用腦去辦案。。。

所以呢套對我地嚟講係 Monk 之後最好睇嘅。

呢套無咁攪笑，但係男主角咁靚仔又食腦，點可以唔睇。呢邊的偵探片成日都係每集有一個故仔，然後背面有一個大故仔連起佢地，每季比的 hints 你，有時有的劇好明顯只係為咗拖長，呢個嘅收尾可以算係唔錯。

跟住呢兩套其實係差唔多同一樣野。

我地係美國睇呢套先嘅，一般人都唔係好鐘意呢套(鐘意原裝下面呢套) 我覺得幾好，一男一女咁樣都幾平衡。

嚟到呢到先開始睇呢套，有英倫風味，對我嚟講簡直係兩套戲，所以我無話覺得呢套特別好唔好。

呢套好睇但係已經完咗。開頭我無乜興趣，係肥鬼睇我又睇，跟住發覺的演員嘅混合都幾好睇。

無乜電視睇就睇番書啦。
咁啱上星期行過書店，見到一本講3個美國人係法國火車上制止咗個恐怖襲擊，即刻買咗嚟睇，不日上映。