搓麵飽

我無食麵飽好耐lu
想唔想食？少少喇。
係咪好大癮，又唔係喎。

講真，我搬過嚟之後對於整食物有幾個 phase...

初時，因為香港屋企細，無焗爐無時間，學咗整蛋糕都無玩過，所以一搬到過嚟，咁大間屋，有個大焗爐，又未揾野做，就成日焗蛋糕。
嗰陣肥鬼的同事真係 lucky 遇上嗰時我乜都想整一餐，差不多所有 mousse 蛋糕，黑森林蛋糕，芝士蛋糕，仲有牛油曲奇，牛油蛋糕。。。成日都整，但係得我地兩個，無人食，就叫佢拎返公司比人食晒佢  (每間公司都有嗰的人肉消化爐，你擺的乜野出嚟，眨吓眼就唔見晒。。。)

之後我進軍去麵飽類，想食得健康的吖麻，所以曾幾何時我屋企隔日有新鮮麵飽出爐，厚切做法蘭西多又得，再唔係的話，就咁新鮮麵飽 toast 揸牛油同 jam 真真好味嘅極致 (無諗過咁簡單嘅一樣野係最好味的，我諗同食神套戲入面話，要做炒飯都好食嘅先係大廚同一道理。。。) 又成日整午餐肉包，波蘿包，椰絲bun etc etc 拎番公司比同事食，所以同事比咗部麵包機比我。

但係後嚟知道咗 [ 碳水化合物進入身體，轉化成醣份養育癌細胞 ] 之後，就完全無興趣了。
成年無食過。

真係好想肥鬼佢明白，成日腰骨痛嘅佢，斷糖/醣，對痛風係好有幫助嘅，因為糖/醣係身體入面會引至 inflammatory (發炎) 呢邊的人成日週身骨痛，嗰的醫生就會叫你打 cortisone (類固醇的一種) 去停止 inflammation 咁不如忍吓口唔食好過啦。

不過肥鬼佢仲係好大癮。
尋日見佢呢輪有的 down down 地，想整的 comfort food 比佢，有乜好過一個 juicy 嘅 burger???
我食 burger 轉咗用生菜包住好耐 lu 但係我見佢都好耐無食過包，咁就一不做二不休，決定從出漿糊，連個 bun 都親手搓出嚟。
一係唔食，一係食最好的，因為下次再整包比佢可能係下年！！！我講真架！我真心覺得再煮粥粉麵飯呢的野比佢食好似謀殺佢咁呀。。。

差唔多成年無搓麵飽，上次係2017暑假阿爸阿媽同阿豆過嚟玩，整咗兩條。
嗰次因為仲要同一時間整埋牛油蛋糕同的小muffin 比佢地做零食，所以係用麵飽機整嘅，今次決定落手搓睇吓呢技術有無生疏。

除咗因為今日凍咗，發酵慢好多之外。(原先諗住尋晚 dinner 就得，點知太凍要發酵過夜) 今朝3am 新鮮出爐麵包加牛油，連牙痛嘅佢都食咗兩個，即係寶刀未老！！！