係本能呀。

早幾日同朋友講電話，佢仲講咗一樣野，

就係唔明點解的人會咁無聊玩嗰個青蛙旅行app

現在 detox 咗自己 飛時book 成個禮拜，

我好像明白多了。

面對香港每日迫人的生活，

玩呢的遊戲 app 係精神上麻痹自己，

咁先無咁容易痴線呀。。。

( 今日凍到呢舊冰又出現番)

同學又話點解佢地唔諗走去第二度。

Hmm 好問題。

好記得第一日上 management 嘅堂

老師教嘅

Human being 最怕係乜嘢？

Change (改變)

這是永恆的定律。

世界上無人鐘意改變，所以有說積習難改，

引申到習俗就更加難了；

即係要一個人改變習慣已經難，

從而推理出有怎麼可能，

要成村人一齊改變已經成為習慣性嘅事。

看看世界歷史，大陸所謂3000年嘅歷史，

每一個朝代的更替，都不見有大量的人走佬，

大多係繼續留低係到忍耐。

(現在睇番，真係同儒教好有關係，

儒教的道理都是叫人無理的忍耐，

非常適合獨裁統治)

反觀西方世界，依家嚟咗呢邊咁耐，

知道多咗呢邊嘅歷史，好配服維京人同歐洲人，

佢地有超強嘅冒險 DNA

我地3000年嘅歷史，好似淨係出過鄭和下西洋，

對比西方，

佢地住喺沿海的人 (英國 / 西班牙 / 葡萄牙)

佢地全都勇於揚帆出海，

睇吓呢個世界仲有的乜嘢係出面等待發掘。

我的呢位同學，

無記錯喺有的日本DNA (公公 / 媽媽喺日本人)

所以我明佢會問"點解唔走"

我覺得佢都有冒險嘅 dna

我自己都有係香港嘅朋友，表示過佢嘅想法係：

香港是我的家，點解我要走？

其實兩種想法我都敬重，

始終，走 同 唔走 都係好難嘅決定。

咁啱睇咗一集動物奇觀。

係非洲有一座山，叫"水山" 前面有個大草原。

叫做 "水山" 嘅原因喺經年乾旱嘅非洲，

係雨季時山上嘅積水會流晒落嚟平原呢到，

從而製造出一個奇境，

就係好多不同的動物會同一時間一齊係到飲水。

平時唔可能一同出現的動物，因為季節轉變，

呢到有水有充足嘅食物，

所以都聚集喺到。

 Horse (馬)  Zebra (斑馬)  Wildebeest (角馬)

Rhino (犀牛)  Hippo (河馬)

仲有好多好多其他的動物及雀鳥

的馬或斑馬，會因為見到某條草郁一郁，

突然間覺得不對勁，就發咗癲係咁跑呀跑，

一隻跑，就全都跟住跑，

呢個係佢地嘅本能反應 (instinct)

佢個 dna 生成係遇到危險就跑，

所以有時可能只係一陣風吹到佢執毛，

佢就會發狂咁跑。

但係同一時間，犀牛河馬呢的又盲又聾又笨重的，

好明顯唔係跑手，

佢地嘅 dna 係遇到危險就會就地係到同你死過，

不過無乜人夠膽攪佢，

因為佢天生大件頭，有牛角，有幾呎厚嘅皮。

所以我話 走 同 唔走，

係你本能話你知嘅決定。

不過 無論你選擇係乜，我希望你

Don't take it laying down

出去投票又好，為自己嘅將來做的乜嘢都好，

最緊要盡力一戰。