本來好地地的，但係，比阿媽的一個 msg 攪到我喊咗成朝。
我同阿媽嘅關係，好奇怪。
我不常打電話比阿媽的。
我地有着奇怪的 dynamic
對比起我家姐，我算係曳嗰個。
家姐好聽話，我就比較激進，最記得細個瞓錄架床 (即係上下格床 bunk bed) 我唔鐘意阿媽成日係我去咗返學就嚟"搜查"我的野，青春期麻，都唔記得比佢揾到的乜，鬧我，我就整咗個牌寫住 "私人地方，閒人免進" 掛係我上格床個欄到嚟表示不滿。哈哈哈。
到大咗，我係大花筒，乜都鐘意買，儲唔到錢，成日遲比家用，又有咭數，久而久之，就怕咗單獨面對阿媽驚佢又問我財政問題。
家姐結婚前都仲係一齊住嘅。嗰時夜晚返屋企見家姐已經返咗嚟，係會有 relief 感覺，因為有家姐係到做 buffer 嘛，到家姐結婚搬咗之後，細佬住大學宿舍唔係成日返嚟，又變番我同阿媽獨處嘅機會多番好多。
嗰時我份工忙到嘔，成日好夜先返，多數係地鐵站出嚟會買的野食返屋企。阿媽嘅習慣係晚晚坐係廳嗰張食飯枱嗰到一路恰眼瞓咁樣睇報紙。所以好自然我返到嚟就會一齊食宵夜。。。
以前細個會一返嚟就 lay 埋入房，後嚟知道自己嘅命運係會搬嚟美國，知道得番有限的相處日子，又開始不捨，返屋企會盡量留係廳同阿媽傾閒偈。
見到阿媽嘅呢個短訊，唔知點解係咁流眼淚。
掛住一個人就是這樣吧！
午夜夢迴常常感覺佢返嚟了。
我給阿媽一個短訊，說多謝阿爸阿媽容許我嫁到咁遠。
想深一層，我要多謝的，是他們忍耐離別嘅痛苦而讓我嫁到咁遠，這一點，我阿婆做唔到。
阿婆的一生就是要成家人都綁埋一齊，大仔同二仔都各自成家立室了，還想所有人都一齊住，是四個不同的人呀，而且大舅父一家係遲咗好多年先從大陸搬落嚟嘅，所有文化生活習慣都變得非常不同，所以阿婆想將頭家綁埋一齊嘅用心，反而導致頭家散了。
這一點，阿媽比阿婆勇敢多了。
No comments:
Post a Comment