潮

好多年前搬嚟美國嗰陣，

無諗過一生之中原來要搬咁多次嘅。

係香港填鴨式教育長大嘅我，

唔好講話世界地圖，係連香港地圖都無睇過幾次，

就搬咗過嚟。

然後，有段日子肥鬼日日放工返嚟就話，

係之前嘅工作地點做得唔開心，

覺得每日都好難捱。

我好記得，

有一晚臨瞓前，我地兩個攤係張床到傾計，

佢問我搬去 Nova Scotia 好唔好。

嗰晚係我第一次聽到呢個地方名。

即刻彈起身去睇吓張世界地圖，

(係肥鬼嘅，搬去邊都好，

佢都要掛番呢張4呎乘8呎世界地圖係房) 

佢話係一個沿海地方，即係會有海鮮食啦！！

天氣同 michigan 差唔多，

其實離開香港之後，我覺得係邊到都無乜分別囉

兩年之後就嚟咗呢到喇。

呢到最出名嘅地方就係 Bay of Fundy

世界上潮漲潮退差別最大嘅地方

揸車上去 1-2 小時就到

我地都去過幾次，真係好壯觀，

有時間的話，要較啱日子，

由退潮睇住佢慢慢的潮漲。

有兩個必去嘅景點，

一個係好似沙灘咁嘅平地，

退潮時你可以行到好出好出；

另一個就係山崖旁邊，

你會睇住的水好快咁沖上嚟。

都係睇潮漲潮退，但係兩個完全不同的感覺。

無咁得閒日日揸車上去，

但係日日係海邊一樣睇到呢到水位嘅分別，

呢塊係比人泊船上落船嘅浮板，固定係碼頭旁邊，

有一日潮漲嗰時你直頭可以就咁踏過去，

但係另一日潮退嗰時就完全差成7呎咁高。