佢地日常嘅食物，就係blue mussel (藍殼青口)
你有無諗過佢地無"手"點食嘅呢？
呢隻海鷗，首先要係的石頭與石頭中間，啄的青口出嚟，青口入面有執毛，其實好似我地的頭髮咁樣，佢地係靠個執毛嚟抓住舊石頭，大浪都沖唔走架。
跟住我見呢隻海鷗飛起，佢低飛轉了一圈，個頭一 fling 將口咬住嘅青口 fling 落地下，位置正正就係佢起飛嗰到，然後佢降落，發現個青口殼仲未碎。
跟住佢重覆做一次，不過今次飛高少少，個圈大的嘅，將青口擲落同一位置，今次有得食了！！
尋日超級大風
呢個位置係河道沖入海個位
但係每次打大風，的風將海水吹番入去河道，
同時間因為大雨，河道水位高了，
山上嘅積水都滾滾而來
做成呢個位置超級大浪不停翻滾相撞
唔知睇唔睇得清楚，呢到有成30隻海鷗
面向海風，不停嘗試低飛，但係大風不停將佢地吹走，我估係因為不停打入嚟嘅大浪同滾滾沖緊出嚟嘅河水相撞，將魚仔都沖上嚟，佢地就不停嘗試低飛啄魚食。
睇住佢地不停想向前飛，但係的風吹到佢地郁都唔郁吓，好攪笑！！
No comments:
Post a Comment