睇咗一套記錄片，想同大家分享。
諗咗好耐嗰題目叫乜好，最後發覺上面呢句，最能夠代表依個世界，依家究竟發生乜事？
就係人人都係揾錢至上，揾錢大晒，揾錢最重要。就算你唔係主動去投入呢個遊戲，你都會係被動的，被迫去參與呢個遊戲，為生活去揾錢然後攪到自己'生活'都沒有了，日復日，只係起身返工，放工返嚟瞓覺，因為第二日都係起身又返工。
上面主題呢句，係一個 Inuit 講嘅。
Inuit 係住係北極嘅人，Inuit 係眾數，意思係"the people"，
單一個係 Inuk, 意思係"the person"
要翻釋呢句說話，就係"我們不能只係為了揾錢而存在係度"
(係我打嘅野入面，我想盡量不去聲音翻釋英文名，都無意思嘅，不如大家直接去學嗰英文字仲好啦，仲有就係依家好多嗰的英文字，比咗嗰大陸普通話嘅聲音翻釋，釋到鬼五馬六，所以我直頭打英文算了)
很多人將 Inuit 同 Eskimos (愛斯基摩人) 混淆咗，佢地可以講話，都係喺北美洲的原住民之一。亦即係印第安人 (Indians / Native Americans) 嘅一種(睇樣係好相似的) 不過主要的印第安人聚居係南部，佢地呢批遲咗一的嘅，就選擇上去北面住，因為極寒冷嘅天氣同嚴苛嘅環境，當時無人想係北面住，但係 Inuit 就揀咗係呢度落脚。
佢地聚居係北極地帶，範圍包括加Northern Canada (拿大北部) ，Alaska (阿拉斯加) ，Greenland (格陵蘭) 同 Siberia (西伯利亞) 而跟據聚居嘅地域分成不同部落。
"Eskimo" 係印第安人話語入面嘅意思係 "eater of raw meat" 而 Inuit 人其實同佢地係唔同部落嘅人，而且佢地唔鐘意呢個稱號，所以現在都更正了，佢地叫自己做 Inuit 。
好喇。想同大家分享嘅就係 Inuit 人嘅記錄片(片長約一小時) ：
Inuit 人嘅知識與氣候變化
inuit-knowledge-and-climate-change
就是看天空嚟預測天氣
雲層嘅變化指示了風向
睇完呢條片，很感慨，特別係下面幾句佢地講嘅說話：
"If we do not have our environment, we cannot survive.
(如果我們沒有了環境，我們都無法生存)
These big money makers in the world are all contributors to climate change
(世界上呢的揾大錢嘅人，全部都有份製造氣候變化)
It is not necessary to chase after money
(我們無必要去跟著錢走/做人)
As Inuit, we never used money. And we always have good food and were healthy. That's what is most important.
(作為 Inuit 人，我們從來不用錢，而我們常常有食物亦很健康，這個才是最重要的)
首先，片入面一開始，係講佢地點樣世世代代咁教子孫去睇天做人，吹邊便嘅風，會帶嚟幾多嘅雪；的雪嘅形狀，又會話你知今年會凍幾耐；的水幾時結冰，就知道幾時要出去打獵，其實就好似我地農歷月歷入面所記錄嘅一樣，全都部都有跡可尋，有跟有據。
但係依家個世界行精英制。依家已經反智去到一個地步：
你呀爺講嘅野唔係野，你一定要聽科學家講嘅野。
講真，我信 Inuit 人 。
的科學家，比盡你係北極考察幾十年，點夠人地世世代代係到住咁耐嘅經驗？
仲有，最主要問題係，現在差不多所有科學家考察做報告，全部都係有大公司例如石油公司係背後做金主，試問佢地嘅報告叫人點信？
你唔好同我講 greenpxxxe 等組織嗰的可信！！所有環保團體，都係有佢地背後嘅隱藏目的 (hidden agenda) 咁樣去運作嘅。
(得閒可以睇一個叫 VICE 嘅節目，每集30分鐘。製作節目嘅人係一個超級左膠，本來唔諗住睇嘅，後來睇過之後，發覺佢都嘗試揭發好多呢個世界嘅痴線野，其中一集就係講，明明世界臭氣排放量係禽畜牧場最多(多過氣車飛機) ，但係沒。有。一。間。呢的 so call 環保團體會承認呢個事實，最後終於揾到一個員工不上鏡咁樣，講話佢地唔會做野，因為無可能叫全世界人唔食肉。而且，美國嘅禽畜業係同石油公司一樣，係同官政界打通晒關係。你一出聲好可能聽日就消失得乾乾凈凈。)
係片入面，跟住係講 Inuit 人係點樣生活嘅，然後就講好多科學家話要做考察呀咁樣，然後所做出嚟嘅報告又點樣影響佢地嘅生活。例如：北極熊問題。
依家睇番，就會覺得成件事好有舖排：有人分享一張皮包骨北極熊嘅相出嚟之後，就會不斷係好多唔同嘅媒體(真係唔同？定背後都係一的人操縱？你自己諗) 都放好多首尾呼應嘅相呀，新聞，影片，最後就係"北極熊就嚟死晒喇"，咁樣嘅一個訊息。
但係長年累月住係嗰度嘅人話，依家成日周圍都見到北極熊喎，咁你信邊個？
仲有，依家好多團體話佢地打獵海豹(seal) 係殘忍的。
但係海豹係佢地幾百萬年以嚟，賴以生存嘅食物，唔通你要佢唔食�
定係要山長水遠咁樣，好唔環保咁樣，運送的牛比佢地⁉
城市入面嘅人，都係見唔到就當唔知道。
佢以為肉類就係一 pack pack 咁樣擺係超級市場賣嘅，佢地無諗過係超級市場雪櫃架上面嘅一塊肉，都係同 Inuit 人打獵一隻海豹再割塊肉落嚟一樣，就算你用幾咁人道嘅方法，殺生就係殺生。
問題係依家人類對食物無晒感恩之心，因為接觸唔到(依家無細路知乜野係屠房) ，血不在自己的手，眼不見為乾淨，所以只係口口聲聲話殘忍，倒轉頭係超市大包大包咁買肉。
以前細個，阿媽仲會教，一粒米都要扒乾淨無好浪費，好似 Inuit 人咁樣，只取所須，每隻海豹都得來不易，所以會好好珍惜每一舊肉。
嚟美國咁耐，我係得一次，去一間幫人屠宰鹿隻嘅地方，同嗰個老闆傾開，先覺佢同我地有同一理念，就係成隻鹿所有食得嘅部份都唔好浪費。
好，又到氣候變化問題。
我自己呢，相信"變"是永恒的。
歌都有得你唱啦，"
知否世事常變？
變幻原是永恒
"個地球凍得耐咗，咪變熱耐，熱得耐咗，咪又變番凍囉。
嗰地球由幾百萬年嘅冰河時期，變到依家咁樣，咪又係因為的冰溶咗囉❕
我信，個地球係暖咗嘅，我都信，地球的冰係溶緊嘅，呢點同 Inuit 人每日所見嘅一樣。
我自己當然就係，身體力行咁去盡量減少炭排放，但係我可以控制到全人類嗎❓
依家係全世界人類一齊係到殺死個地球⚠
而無耐對於 Inuit 人，因為佢地生存嘅方式仲係好天然，所以對於氣候變化，佢地嘅感受最深，而影響亦都最大最快。
係片入面講到佢地一向係住係浮冰上面，以前的冰又大又厚又實，依家的冰又細又薄。
再係咁落去，佢地好快會無家可歸，不能繼續舊有的生活方式，就好似以前水上人不能再住艇而要上樓咁樣。
係唔係唔得呢⁉唔係嘅，都仲可以生存嘅。
之但係，上咗樓咁之後點呢�佢一向都係打獵為生，以海豹皮做衫，過簡單嘅生活，上咗樓，無得打獵，唔通叫佢揾工❓係北極揾乜野做呢❔係咪攪到住北極嘅人都要變城市人咁呢�
知唔知乜野係 permafrost ???
係 Arctic 附近範圍，係地下深層，有一層好深好厚嘅冰層。
據研究呢層冰，應該係冰河時期留到依家嘅。
好喇，依家其實唔止北極冰川溶化，依家其實係連 permafrost 都溶緊。
thawing-permafrost-destroying-arctic-cities-norilsk-russia
(穌聯北面小鎮因地深冰層溶化，引致樓房全部出現裂縫)
Siberian craters grow larger
(西伯利亞坑口範圍擴大)
from-canada-to-siberia-permafrost-thaw-produces-hells-mouth-craters-sinking-lands-and-7000-methane-pockets-waiting-to-blow/
(由加拿大到穌聯，地深冰層溶化，引致坑口擴大及土地沈降)
睇 discovery channel 一個節目講 permafrost 溶緊嘅問題，有穌聯科學家係到諗辦法，想拖慢溶化速度，佢話地面最好有草地，咁樣夏天時地面温度都唔會太熱，地深冰層就會溶慢的。
又有另一個科學家話要引進動物，當的動物係冬天嘅時候，可以將的雪踏實一的，咁就可以令温度凍的，以保持地深冰層唔會溶得咁快。
bold-plan-slow-melt-arctic-permafrost-could-help-reverse-global-warming
正當好多人係到諗點樣去救地球嘅同時，我咁啱睇到另一個片。
Travel channel 呢個考古學家 Josh Gates，揾到線索，跟人入去西伯利亞，去揾史前動物 mammoth (長毛象) 嘅遺體。
expedition-unknown/episodes/woolly-mammoth-part-1
我想話你知，我真係咁啱啱遇著剛剛，睇完一個記錄片講地深冰層溶緊，的人點樣設法去拯救地球，然後就見到，的人點樣為咗的象牙，去特登整溶地深冰層。
嗰一刻，我嘅結論係：地球，你今次都係死梗了。
原文出在「廣東新聞網」——
「比喻人或事古怪。
這個詞由鬼馬和五六組成。
『鬼馬』意思是有趣而難以估計，如果說某個人鬼馬，也有機靈黠慧的意思。
五六呢？以前有這麼一個說法：初一是雞日，初二是狗日，初三是豬日，初四是羊日，初五是牛日，初六是馬日。
而在初五初六兩日，有舊習俗是去地藏廟拜牛頭馬面，總讓人覺得蒙有一層神秘古怪的色彩，所以鬼五馬六可以解釋為人或事荒誕、古怪。」
No comments:
Post a Comment