正常 60 歲退休，有餘下10-15年比你做自己想做嘅，去旅行，去周圍看看，有乜野想做而未做嘅，再比多10年你咪又一樣。
比得再多時間比你，你唔好好利用現有的，都係無分別。
而且，一個人老了，行步路都慢晒，眼又濛耳又唔靈，比你活到150歲都只係活著受罪。
偏偏世界上就係有人想活到150歲。
上篇講個 VICE 呢個節目。
最近睇咗呢集。"長生不老 與 機械人"
我唔知佢地係咪特登，將呢兩個 topic 擺埋一齊嚟講，我自己就覺得好 ironic
engineering-immortality-and-robot-revolution
呢集分上下部份。
上半步係講現在很多科學家去 日本 沖繩 Okinawa, Japan
研究佢地嗰度的人點解特別長壽。
係好科學咁研究佢地食的乜，點樣生活，佢地的gene 有乜特別，
然後再訪問有的診所，係做緊一的療法，
就係係你身體抽的細胞出嚟，再打針咁樣打入去你身體受傷嘅部位，例如有膝頭痛嗰的，
等你自己身體嘅細胞，係膝頭入面，例如軟組織從新生長，咁痛症就會"醫"好了。
亦都有科學家係做緊研究，收集好多好多人嘅DNA,
從而去揾邊的 DNA 係幫助減慢衰老
(講到尾，即係秦始皇揾長生不老法一樣)
然後下半部就講全世界嘅機械人已經先進到乜野嘅程度。
係日本，就係像真度好高；而係美國，科學家係整緊識得"思考"嘅機械人。
例如最新一個人工智能電腦 與 韓國李世石 比賽圍棋贏了。
睇完呢集 VICE, 加上，剛剛看了下面這兩篇文，真係百感交集！
陶傑：鈔票不見了
陶傑：大循環
呢兩篇文，總括嚟講，就係喺所有工廠都離開大陸，移晒去第三世界國家嘅同時，大陸共黨仍然強力推行2孩政策。而係同一時間，第二輪嘅機械電腦化，將現有嘅服務性行業全面取替。
係人都知，由1900-1999年，因為褔特汽車而發展嘅工業發達同工廠制度，令到同一時期嘅人口都有工作。
直至去到電腦嘅出現，互聯網嘅產生，同第一輪嘅機械人投入工廠生產，所以依家你見市面上無晒工廠工作，淨番嘅全部都係服務性行業或零售業。
好喇，依家銀行就用網上過數，電子過數，嚟取代所有分行服務；零售業呢，就用self-help cashier machine (即係自助付錢) 取代所有收銀員；就連好多電話顧客服務熱線，都開始轉埋用電腦操作。
我真係唔明人類想點❔
一方面就想越嚟越長壽，另一方面就整更多機械人出嚟取代人手。
咁個地球就越嚟越多人之餘，仲越嚟越多人無野做，咁即係想點⁉
要咁多人嚟做乜？個地球究竟載唔載得落咁多人�
地球係世界已經存在在幾千百萬年，而人類就只係幾千年，好明顯應該係人類去適應個地球。
人類只係暫借，住係呢個地方嘅生物，嘅其中一種。
生老病死係大自然嘅循環，人類妄想係世上永生，係遺反大自然嘅定律，咁係咪即係想要地球去適應人類❔
No comments:
Post a Comment