係冬天，就想夏天。
係夏天，又想冬天。
真矛盾。
已經陰天咗好耐，
尋日同今日，終於出猛太陽，仲要一嚟就82°F (27°C)
明明尋日仲著緊褸，今日就著比堅尼
我塊面係無得救架喇，黑到同菲律賓人一樣，
連隻手都白過我塊面。。。
因為冬天嗰時見到好陽光就仆緊出去，不過因為好凍會帶手套，
但係你唔會帶 SWAT team 飛虎帽，所以依家隻手白，但係黑口黑面！！！
係玩 FB 嘅時候，發現佢依家越整越多廣告，唔知你有無好似我咁，
睇到呢的兩頭唔到岸廣告。。。
上面係外國
下面係大陸
上面係要由白變到黑
下面就係要由黑變白
我講真架。
係 "飛book" 嗰度，㩒㩒吓就出現咗大陸嗰的美白膏嘅新聞，神奇到一塗就白。
然後再㩒㩒吓，就出現外國呢的 tanning lotion 嘅廣告，
同樣兩條腿，你話呢個世界的人究竟想點。
有時發覺一個亞洲人住係呢邊都幾精神分裂。
No comments:
Post a Comment