麵 Noodle

好耐之前係 fb 分享過呢樣野

公仔麵！！！！

我知道係香港已經有好多唔同嘅口味，但係我最愛的仲係原味冬菜。
特別對𠴱包其實都唔知係唔係冬菜嘅野好著迷！

係呢邊，去亞洲超市最開心嘅，就係搵到 Made in Hong Kong 嘅野。
BTW 我唔會再叫亞洲超市做中超，因為依家人人都知大陸野信唔過。
所以呢到間亞洲超市，係賣全東南亞野嘅。日本，韓國，越南，泰國，印尼全部有齊。

不過有樣唔好，全世界的亞洲超市，都係細細間，迫到爆，亂到爆，依家買野一定要睇邊到入口之餘，係亞洲超市買野一定要睇日期，佢哋真係好鐘意過期都照賣架。

除咗原味冬菜，我最鐘意係麻油味。
係呀，好怪嘅我，都有食過嗰的新奇嘅味道，不過都係覺得呢的最基本嘅味道最好，其實都係嗰包味精粉嘅功力！！！

除咗公仔麵，我最鐘意就係褔字麵同褔字米。
仲記得中學嗰時有小食部，最鐘意小息嗰時去食碗褔字米，佢地用個有蓋膠碗，放個褔字米入去之後倒滾熱水入去焗佢幾分鐘，食得。有錢嗰時仲可以加魚蛋，yeah!!!

今期見到呢個辣豬骨濃湯味，又試吓啦！

貨真價實，香港製造。

下次問吓阿媽，香港有無得賣嘅呢？

依家呢間亞洲超市，有好多泰國麵同印尼麵。

依家除咗買公仔麵過吓口癮之外，我多數買泰國麵同印尼麵，佢地細包的，

無咁heavy, 有時冬天好凍，夜晚想食的熱野暖吓肚，食咁大包公仔麵就更加唔健康，

(有時同肥鬼兩個人分一個公仔麵，但佢始終唔係亞洲人，佢prefer 飲杯熱朱古力)

所以泰國麵同印尼麵就啱啱好。

呢度唔見有褔字米，但比我揾到呢個泰國米，同褔字米係100%一樣，

就連嗰包細細包嘅豬油都有。

無得頂。