Gloomy Day

由前日開始就話會有超級大雨警告。

但直到尋日，本來都到仲好好天嘅，以為流料，點知真嘅。

仲話會落雨10日。。。

其實上星期已經陰天了好多日。。。

唔怪之得，以前的詩人話"秋風秋雨愁煞人" (下面有詩的出處) 

我直頭覺得係，總之落雨天或陰天都係愁煞人。

所以我所有雨遮都係鮮黃色，鮮橙色，看著可以令自己開懷一的。

尋日，同肥鬼傾開"最喜愛的電影"

佢話我從來唔留心聽書，雖然佢講過比我知好多次嘅，

不過佢話我肯定估20次都估唔到，點知我用咗3次機會就記起了。

好喇，輪到我。

其實佢都唔好得幾多。因為佢唔睇愛情電影嘅，

所以佢要不停問我攞 tips

佢都差唔多用咗5次機會先估到。

我最愛嘅電影係 My Best Friend's Wedding 

BTW, 其中一個 tips 係女主角嗰口好大，哈哈哈哈。

1997 年嘅呢套戲，可以話係我沉迷睇電影學英文嘅登峰造極嘅時候。

我鐘意呢套戲嘅情度，係戲院睇咗幾次，再買埋 CD 返屋企狂睇。

我會不停 pause (暫停) 又 rewind (回帶)  去聽佢用乜野語氣，

同埋 accent (口音)  去講嗰句對白，

然後我就好似鸚鵡學舌咁學講嗰的對白。

然後再買埋soundtrack 連的歌都鐘意到背晒歌詞，日又聽，夜又聽。

最最鐘意嘅一個景，就係 Julia Reberts 同 Michael 

係 Chicago River 嘅觀光船上面跳舞，Michael 感覺到 Julia 想同佢表白，

Michael 同佢講，佢將要娶嘅 Kim 教識佢

"if you love somebody,  you got to say it, 

right then,  out loud, otherwise, the chance just passes you by. "

係講 otherwise 同 the chance just passes you by 之間

佢地隻船啱啱經過橋下面，所以成個景像係由日光，

到橋底嘅全黑，到番出嚟又見番日光。

我自己嘅感應就係日光同對白嘅相呼應，過咗就係過咗，就算佢地有9年嘅經歷，

但係兩個都無講出嚟，就咁過去了。

係 gloomy 嘅日子，拎番我隻CD 出嚟煲吓先。

出自清代詩人陶澹人的《秋暮遣懷》

人生天地一葉萍，利名役役三秋草。
秋草能爲春草新，蒼顏難換朱顏好。
籬前黃菊未開花，寂寞清樽冷懷抱。
秋風秋雨愁煞人，寒宵獨坐心如搗。出門拔劍壯槃遊，霜華拂處塵氛少。
朝凌五嶽暮三洲，人世風波豈能保。
不如歸去臥糟丘，老死蓬蒿事幽討。

　“秋風秋雨愁煞人”，此句作爲著名愛國巾幗秋瑾女士的遺言而廣爲傳誦。

故此許多人以爲爲秋瑾所作，

但實際是秋瑾引用了清代人陶澹人（即陶宗亮）的詩句。

而流傳在外出自秋瑾手筆的文爲：

“籬前黃菊未開花，寂寞清樽冷懷抱。秋風秋雨愁煞人，寒宵獨坐心如搗。”

正是引用其中。