睇落好似好啲，健康啲咁，其實呢的全部都係 addiction (心癮 / 上癮)
同啪藥，啪丸，啪毒，啪咖啡，啪煙仔係完全無分別架。。。
Why-salt-addictive-It-stimulates-brain-cells-just-like-cigarettes-hard-drugs.html
How the world got addicted to sugar
會講開呢樣嘅，係因為我地有個零食櫃。
我有幾排朱古力，擺咗係度一段時間，我對於甜食無乜癮，買咗擺係度可以食好耐，
得閒食一兩粒(格) 就已經覺得膩，又要等一輪日子過咗先會食。
肥鬼呢，就會不停問我，你的朱古力擺係度咁耐係係咪食架？
因為就咁擺的朱古力係度，對佢嚟講已經好吸引佢，好引誘佢 (temptation)
依家潮流興綠茶，去日本超市會有好多綠茶零食，其實我鐘意嘅原因係加咗綠茶，會有少少澀味，中和咗的甜。
我有一排超黑綠茶朱古力，比咗一格佢食，佢唔為意食咗，之後就話乜嚟架？
你比咗的乜野我食呀？點解有怪 taste 留係個口到，哈哈哈哈。
第二樣我有癮嘅零食係魷魚絲！！！
好好彩，依家嗰間亞洲超市，有好多台灣魷魚絲。
除咗呢個，有時會想食美味米
美味米其實即係依家嘅 cheetos 不過美味米有好多種味道 cheetos 就得芝士味。。。
而同美味米最相近嘅零食，就係米餅，旺旺呀，或者係日本米餅，我係食炭燒醬油味嘅 (即係又係咸架囉) 仲有就係鐘意食紫菜。。。
從上面見到，我地嘅零食大多係鹹濕野，相反佢地的零食全都係甜嘅 (除咗薯片) 好似佢地個味蕾係 program 咗淨係接收甜味一樣嘅咁。
買咗盒曲奇餅，佢係可以一次過食晒。
嗰的好似 oxxo 嘅曲奇餅，我食嗰時係要刮走中間的糖膏架，仲要食嘅時候飲中茶，頂盡都係四五塊，肥鬼呢，佢可以係點呢個曲奇餅入杯熱朱古力嗰度，閒閒地食半盒。
依家佢都會盡量減少零食，佢會買早餐穀物片，即係 cereal 當零食咁咬，比曲奇餅少的甜，又脆脆的，希望咁樣可以幫到佢嘅心癮。
上面嗰兩條 link 都睇到，其實 salt 鹽 同 sugar 糖，同咖啡 coffee, 都係可以引發腦部入面 dopamine (多巴胺) 發生反應，就同 caffeine 咖啡因 同 nicotine 尼古丁一樣，係心癮嚟架。。。
好耐之前，我已經無再係煮餸嘅時候落鹽，主要係落 herbs 香料，因為醃肉嘅時候已經有鹽糖入味，所以基本上好多餸菜都係食原味，真係煮到出嚟好淡的話，先至係食之前加鹽。
前幾篇講過 VICE 呢個節目。知唔知 "VICE" 呢個字就係 addiction 咁解！
我係聽到下面呢首歌先知呢個字係咁解。
佢唱呢首歌好好聽，我初初聽，唔知到係佢唱架。
因為佢之前嘅歌無咁沉，呢首唱得有韻味。
歌詞都幾明顯係同老公分開之後的沉淪生活，希望佢快的走番出嚟。
上面講肥鬼食曲奇餅方法。
"點"塊曲奇餅入去熱朱古力嗰度。
就好似我地細個食餅乾點牛奶咁食。
呢個動作叫 "dunk" 或者 "dip"
dunken donut 就係咁嚟，
因為佢地食 donut 係點入去咖啡咁食 (以前)
依家就係咁食係咁食。
"Dip" 呢，可以作為動詞咁用，又可以用係 dipping sauce (點醬)
或者 "dip" 作為名詞咁用。
Dip 作為名詞咁呢，因為佢地好興下午茶 或 晚飯前小食
食 chip and dip 粟米脆片 (corn chips) 加 點醬 (dipping sauce)
去朋友聚會，會叫大家每人帶一個 dip 佢提供 chips, 咁樣作為大家嘅小食。
呢的 dipping sauce 可以係普通 ranch dressing, 可以係溶芝士醬，
可以係 salsa sauce (蕃茄洋葱芫荽葱切碎加青檸汁，
鐘意辣嘅就加的 jalapeno 墨西哥辣椒)
又可以係 spinach dip (最基本係菠菜同好多芝士混合再焗溶晒)
仲有 guacamole (係牛油果同切碎蕃茄洋葱芫荽)
如果你係我個年代嘅話
應該都會睇過呢個漫畫
Slam Dunk
男兒當入樽
當佢地走上藍板拍個藍球入藍就係 dunk 喇
No comments:
Post a Comment