東西的歌

我以前好鐘意聽收音機。

因為每個 DJ 鐘意不同風格嘅音樂，所播嘅歌都不同。

而我就純粹靠個耳仔，聽收音機，去話我知，我鐘意乜野歌。

無分乜野歌手，無分乜野類型嘅歌，

總之就係，有的歌嘅旋律係好 smooth 咁走入我耳仔度嘅，

另外嗰的就係聽極都覺得怪怪的，咁即係同我唔啱key喇。。。

留意特別係當你"唔係"全神貫注去聽收音機嘅時候，

有時係個旋律突然間吸引咗你嘅注意，有時就係的歌詞，

就係咁樣我就知道我鐘意嗰首歌。

仲記得以前聽 903 

係黃志淙令我認識歐美流行曲

Vani 就播本地歌

盧玉鳳就播台灣的歌

我就係咁樣識得黃韻玲，然後發現張艾嘉 1992年 "愛的代價"呢隻專輯

當時中學的我，仲係買錄音帶架。。。

靠住入面張歌詞紙，我就係咁樣自學國語架。

入面有呢首 "因為寂寞"

(嗰時有諗呢首歌係咪講緊佢自己同佢先生？)

嗰陣時嘅我，係唔會明呢首歌架

因為嗰時我讀緊中學，都未試過拍拖，有的話直頭會 lur 飯應

仲理鬼得佢係唔係寂寞

然後嚟咗呢邊

咁啱肥鬼都鐘意聽收音機

不過佢呢邊好多時係唔同台，播唔同種類的歌，

肥鬼佢鐘意 country,  所以近年我都係聽呢類歌多。

不過有時揸車去到偏遠地方接收唔好，都會係咁轉台，就會乜台都聽，

有日就聽到呢首

Eric Paslay "She don't love you"

歌名嗰句全句係 "she don't love you she's just lonely"

我一聽，哇，中晒。

哈！我即刻同肥鬼講話我哋中文有首歌講嘅野一樣架。

我就好似發現新大陸咁樣。

肥鬼就望住我，好似好有深度咁話，

"有乜咁奇，呢個世界人人遇到的感情事都係咁上下架喇！"