Vote

嚟咗呢到幾日，見到舖天蓋地的街招 / 廣告 / 路上派傳單的人。

留心睇睇，原來嚟緊 5/25 係投票日，根據投票結果會決定是否改變憲章入面對墮胎的約束。
現時憲章入面是不容許墮胎的，除非胎兒危害到孕婦的生命。

每條燈柱都有正反雙方的標語。

首先要講，我係絕對支持現在的國家將重要的事都以投票決定。
係，投票決定其實都只係大石磧死蟹 / 人多蝦人少嘅遊戲方式，但至少係現時嚟講，係比較公平的去決定一件事嘅方法。唔會係一個領袖講嘅決定晒一切 或 一個大比數政黨幫你去決定。

我會選擇盡量減少其他人'代'你做決定的一個方法。

>>>>
想深一層，發覺其實'政治'呢樣野，就係的人揸唔到主意/不能落決定，就'選'的人出嚟做野，去'代'你揸主意，倒頭來就係呢的人點做都唔啱，佢用A方法你就質問佢點解唔用B方法。
>>>>

咁點解"墮胎"係呢到會攪到咁大龍鳳呢？
愛爾蘭人口大多是天主教徒，以我少少的認識，天主教不容許墮胎，但也不容許用避孕套(?!) 信徒要以全天然的方法來面對"性"呢個問題。
咁舊嘅宗教規條，對每日都在改變嘅現今世界仲適唔適用呢？

先唔講世人現今對'性'嘅開放態度，淨係諗諗如果一個女仔比人強姦而有了 BB 咁係應該尊重呢個女仔嘅生命(同生活) 先定係尊重個 BB 嘅生命先？
所有叫人投 No 嘅標語大多係話尊重生命，22日就開始有心跳等等等等

我自己相信，一般人係環境許可之下，都係會生個bb 出嚟嘅。(嗰的對'性'很隨便的新世代，我覺得佢地係應強制避孕更適當。)
一個人真係有不得以嘅原因而有咗，你唔比佢墮胎，佢有10個月都係唔開心咁樣過，咁即係你用尊重bb 生命為理由而傷害咗母體 (包括心靈同感情) 仲未計如果沒有將bb 比人收養，佢要對佢一世，除時就係製造另一個悲劇。

人越大，看的書越多，對歷史知得更多之後，越嚟越肯定所謂宗教，最終都只是政治洗腦/控制人民嘅好幫手。無論係天主教定儒教都一樣。

對於所有呢到宗教規條，都係嗰句，你管好自己先啦！就由得當時人自己做決定吧！


Side note 別注：如果無記錯，其中一個傳說話第一艘由歐洲來美國的船 May Flower 上面的人要逃來美國就係因為佢地信基督教，當時你不信天主教就是死罪。

>>>>>>>>>>>>>>>>>>>>>>
發現有呢篇又係講今次投票的文章
CUP 文章 ireland-abortion-referendum/


我同肥鬼兩個都覺得如果我地有得投嘅話
真係會好精神分裂
唔知點投好