鐵達尼

從來都係希望越大，失望越大。
原先對 Belfast 貝爾法斯特 呢個製造 Titanic (鐵達尼號) 的地方有好高期望，好想睇好舊好舊嘅野，什至希望有的打撈出來的物件會展示出嚟。

晨咁早去到機場搭長途巴 1:50的車程

(呢個係展館正中地面上的一個大指南針) 

隨即上旅遊巴，因為呢到比起 dublin 無咁多景點，鐵達尼係第5站。

(一個鐵達尼模形) 

買旅遊巴套票係有入場減$3嘅優惠，但係排隊睇清楚時，發現$18.5的入場係包搭小船出去海面近距離睇吓一隻同時期的船。
我地個個都係大人，對呢的無乜興趣，淨係想聽吓歷史講解，就 join 咗 $9 的導賞團 (沒有減$3了)

呢塊係當年造船的工人嘅"薪水牌" 每人手上都拎住一個牌，係門口有管工記錄你的號碼同時間，出嚟嘅時候又係咁，而且，係厠所門口都有記錄，每人每次限時一分鐘 (minute mark) 出糧時係會將去厠所時間減番架。

呢個導賞員的英文好好，沒有很重的口音，很清楚易明。

Harland and Wolff

係製造鐵達尼號嘅船公司

呢間房仲係到呀，不過變咗酒店coffee shop

當時的地板圖案

船上的樓梯(老番版本) 

對出就係造船的地方

呢張相睇到未拆之前的吊架係咁樣架。

大家企嘅呢個尖位就係鐵達尼建造時的船頭位置

博物館外面的地磚(深色嗰的) 就係代表陸地，係英國同愛爾蘭，同博物館入面嗰指南針相對應。

係博物館外面圍住有呢的木凳，有長有短，

其實佢地係摩斯密碼，

係跟據鐵達尼最後發出嘅 SOS 訊號去排嘅。

其實都係好有意思嘅一個博物館，但洗唔洗再搭兩小時巴士上嚟就要諗過了。

噢，佢仲講咗個故事。
當年係 JP Morgan 出錢起鐵達尼嘅，佢地特登設計咗個超高級商房比佢首航時用嘅，嗰間房當年賣價係。當。年。的8000磅 但係 JP Morgan 唔知因為乜嘢原因係無搭呢條船嘅！！！
真係生死有命就係咁解 just not your turn yet.

而我之後出嚟再上旅遊巴，就係今日惡夢嘅開始。

因為佢無乜旅遊巴，有好多人等一架，仲要無乜人落車，無得上樓上，仲要係巴士尾部迫沙旬咁樣，又熱，無得開窗，習慣了要新鮮空氣流通的我，好快就頭暈了。

而且我好耐無搭巴士，今日要坐倒頭車 (無其他位) 又開始暈車浪了，努力控制想嘔的感覺。

直到去到第10站，我話比肥鬼知無得上樓上吹吓的話我就一定要落車，好在有好多人落車，上咗去兜下風好番的，坐返到去頭站落車。

呢的全都係頭暈前或後影的，

中間小睡了一陣，乜都睇唔到。

其實 Belfast 貝爾法斯特 嘅建築物同 Dublin 嘅一樣咁靚，而且無咁繁忙，人流少好多，可能肥鬼媽嚟嗰陣會上嚟行吓？

一個笑料。
你去旅遊會買乜嘢？
今日上嚟呢到嘅一個同事，係背囊都無帶嘅男士一名，一件有帽外套，銀包放褲袋，兩手掉兩臂咁樣旅行的，竟然係某百貨公司門口，比一把縮骨遮吸引咗。
Yes 佢就係買咗一把$4縮骨遮！！！
我同肥鬼講我覺得好攪笑，可能呢個就係男人同女人嘅分別，飛到地球另一邊，搭兩個鐘長途巴就係買把縮骨遮。真係估你唔到！