而係晨早 6am 出嚟漫步街頭。
世上每個地方嘅人都一樣，朝早返工時間，路上行人神色葱葱，而我就趁街上仲未多人而漫步遊走，真的隨意週圍行。
行完沙灘，開始行番入市中心。
呢個只不過係普通的一個路口
但係旁邊的矮石牆，
令我覺得好似細個返鄉下入村的路
好可惜就係細個的鄉下
從來唔會有人修輯清潔打掃，只係變得頹垣敗瓦
不想只是羨慕外國，其實外國都曾經一度只係鄉下
但係呢到對於舊建築嘅尊重 / 保留
不是一般只追求新穎建築的地方所能理解
呢到見番好多歐洲車
不是美國那樣的大大架的車
係的的骰骰嘅呢款，我鐘意呢的款多的
Our Lady Queen of Peace
On Merrion Road
睇咗成個星期不同時代嘅教堂
就會發覺呢間係好 grand 好靚
但係好明顯係比較新雪雪的教堂
1920年代，呢區嘅天主教徒開始多了
發現有需要係呢到起間教堂
有人捐咗呢塊地出嚟
之後係 1925年9月5-13號攪咗個加年華會
用嚟 "眾籌" €200,000 出嚟起呢間教堂
係1940年11月17日，
一間暫時性的"鐵皮"(tin roof) 教堂
開始係呢到服務
真的教堂的興建，
因為第二次世界大戰而延遲到1951年
到 1953 年12月13日 相中呢間教堂正式'開幕'
點解會有關於呢間教堂嘅報道？
因為係我經過影相嗰時，
咁啱有個神父經過同我傾咗陣偈，
(我就係鐘意咁樣的本地方傾吓偈)
原來佢對中式建築都有認識，
知道我地有一款舊建築 pagoda (塔 / 寶塔)
就係同佢地呢個教堂後面尖頂嗰塔
有咁上下嘅作用
係教堂對面的一個舊古堡的門口
呢到有一張週圍都見到嘅明信片
就係呢到的屋嘅門口
我覺得除咗佢地的門口，大都保留咗個拷門器，
佢地好多屋嘅大門都有鮮豔嘅顏色真係好靚。
行經一間大型超市，又入去格下價
呢到竟然仲有呢兩間係美國差不多絕種的舖頭
一間係賣五金同配鎖匙的檔口
另一間就係賣鮮肉的butcher
(不是小鮮肉，哈哈哈)
其實一的大型超市對"街市"呢樣野嘅影響
係世界性的問題
每個小鎮開咗一間大型超市之後，
以24小時營業 / 平價做招來
之後就將呢的細舖趕盡殺絕
真係好可惜
No comments:
Post a Comment