跟同事去睇過另一間服務式住宅之後，其中一位同事原來已經急不及待的買咗"隨上隨落旅遊巴票" hop on hop off bus 去市中心遊覽。
現在週圍的大城市旅遊點都有呢的巴士，就係買一張票(可以係一日票 或 兩日票) 跟住就上巴士，佢會跟嘅定行車路線遊走於一系列不同的景點，例如覺得對呢個教堂有興趣，可以落車入去行吓，出嚟就等下一班巴士再去下一個景點。
由星期一到埗後立即要安頓好，然後第二日即刻開始返工，今日先叫做第一日放假，如果係我叫佢去行街，佢實唔理我！會係屋到攤吓等下星期放假再講。不過今次係同事叫埋去呀！所以我地都有得跟埋去了！哈哈哈。
可能你會諗坐巴士之麻(?) 但係對佢呢的美加人嚟講，佢地慣晒車上車落，依家上落樓要行樓梯，又要行去巴士站"企"係到等巴士返工，一日已經多咗好多運動量，要比的時間佢適應吓。
因為我地仲有成幾個月喺度，我可以自己行出嚟逐個景點慢慢去睇，所以無乜點特別去影相，而且係旅遊巴上面(開頂的) 其他人又企起身又坐低，架車又郁緊，跟本唔會影得好。
所以今日最特別的行程就係去呢間世界記錄啤酒廠。
今日買呢個係旅遊巴套票€20旅遊巴$€20酒廠遊，其實你當€20買杯新鮮啤酒算啦。
因為入到嚟地面嗰層差不多全層都係賣記念品，沒有導賞人員的，就是自己跟指示去行，去睇牆上面的文字解說。很老實講，同其他啤酒廠無分別呀，都係咁上下的方法，都係嗰的材料。
行到某的層數，係螢光幕到會有 AI 的人的畫面好似同你係到對話咁樣囉。其實都不過是活動感應 ( motion sensor) 去重新播放電腦影象。
其中一層展出以往的廣告。
我覺得呢個最得意，又有意思。
係一個鐘樓 (呢個係模形，真的那座係 25呎高) 入面有好多健力士已往的廣告公仔，每15分鐘報時一次。真的那座鐘樓由 1935 年用到 1982年 以往唔係咁多玩意嘅年代，好多一家大細出街嘅節目就係去睇呢個鐘樓報時。
festival clock detail
後面呢個展品係講佢地出嘅每一杯嘅啤酒都有成幾百萬嘅氣泡係入面。(好多人都覺得影 selfie 做背景好靚呀！)
再上一層就係有一個 工作室，教你點樣飲呢個啤酒嘅 (因為呢個啤酒嘅特點就係好多氣嘅，你要等嗰的氣泡浮晒上頂形成一層咁樣先係最啱飲嘅時間)
係呢到係比杯細嘅你飲，肥鬼梗係無嘥飲埋我嗰杯。上面呢張好無耐的因為我唔比佢飲住等我影吓先，哈哈哈。
其實你入場嗰張票係包一杯大啤酒嘅，你可以選擇係倒啤酒證書呢層用咗佢，或者好似我地咁上頂樓先飲。
佢呢座建築物係全愛爾蘭最高嘅，即係睇風景時間喇。嗰啤酒呢，你可以揀一大杯 (1 pint) 或兩小杯 (half pint) 肥鬼叫咗兩小杯，一款係出名嘅黑啤，另一款叫 hop house lager 普通啤酒顏色但係佢話落足料好重口味。
早幾日我自己係市中心週圍行，有一座建築物叫 West Front 再睇番的文字記載，就係話酒廠同附近嘅地區，以前就係皇城以外嘅地方，同我地睇武俠小說講嘅出城門嘅概念一樣，總之就係出咗去呢，就係無皇管，你死你事，係城入面就有 King 去保護 (管) 你。
行咗成個鐘之後，最印象深刻的資料就是：
係 1759 (259年前開的呢個酒廠) 當時同地方簽嘅地方租約係一張 9000年嘅約。
Guinness 資料
咁啱返嚟嗰時，睇到個文章：
/japanese-whisky-shortage/ 日本威士忌復興10年又到絕境
我係到諗，如果有一日的人唔再鐘意呢個啤酒會點？肥鬼話無可能，呢到地方嘅人當佢係水咁飲，點會突然間唔再飲？
之後，我又係到諗，259年前嘅人，要有幾高瞻遠矚，先能夠大膽的決定同酒廠簽一張9000年嘅地租合約？
我很尊重呢的上百年嘅品牌。
能夠專心的做一樣野做一世 (或幾世) 都要有政府嘅支持先得，比你有配方釀製成好嘅啤酒，但係每日要擔心廠房明天夠期了，點會可以做到幾百年。
套用大陸的肉酸術語就是"打造呢樣" "打造嗰樣",
其實你唔洗"打造"架，你淨係比人去做佢想做嘅野就得架喇！佢想飲好味嘅啤酒 -> 佢去整好味嘅啤酒 -↪ 佢熱愛整啤酒 ↪ 佢致力一生係到做全世界最好味嘅啤酒。
依家係大陸，就算你簽晒合同比晒真金百銀去買一塊地，佢都可以話拎走就拎走，更何況只係簽租地約？樓市好少少，地方貪官就嚟收地去起豆腐渣樓囉。試問你點會有可能打造出百年品牌？
The Open Gate Brewery
St. James Gate, Dublin
唔知呢個閘係咪長期都開住嘅呢？
No comments:
Post a Comment