舟車勞頓

當你用咗成年半去習慣 7pm 瞓覺 3am 起身嘅日程，突然來一個半夜機，真係成個人散晒。

好在人生第一次嚟歐洲，有排都唔洗返去，又睇吓今次有什麼奇遇。

肥鬼就慘囉，佢係嚟做野 (我嚟旅行！) 一到埗就同其他今日到嘅同事食個晏，明天就開工喇。

遠道而來，梗係即刻試吓 傳統 irish pub

嚟到呢到，唔特別好黑啤嘅肥鬼，點都要試吓的土產嘅。另一個同事叫 half and half 一半黑啤溝另一種啤，好似嗰款都幾好味咁，下次試吓。

應該間間餐廳都有嘅 黑啤牛肉批。

我的燒牛仔骨 (roast irish beef ribs) 好好味呀！

差不多成個餐牌每碟菜都係配薯蓉 + 椰菜，可能我好快就要食番沙律！

食完午餐之後，領隊同事帶大家去攪好電話同日常用品，就係教大家點樣搭車返工，因為明天7am 就開工喇。我就快手快腳就入去遊客中心攞個地圖，返去慢慢研究研究，如果唔係太遠嘅地方，我都係鐘意慢慢行去睇吓沿途風景。