(呢到的單車都有紅綠燈架！)
嚟咗呢只係到短短幾日，但係每次行係路上或者係巴士上面，我都覺得係險象環生。
去過世界咁多地方之後，覺得"交通"真係一大問題。
人類由馬車到汽車又到番單車，但路就係得一條，究竟邊個先有優先的道路使用權呢？
係香港，右軚車，人多車多又有巴士，好多人行路，也很多車流，週圍都有闊的行人路，可以講話無單車係路面。
係美國(一般城市，不是波士頓紐約嗰的) ，左軚車，沒有人會行路的，沒巴士，很少行人路，無單車，出街只得一個方法就係揸車。
係加拿大，有人行路，有巴士，有窄的行人路，有少少單車，有部份道路會有單車徑係旁邊。
係呢到，就好似波士頓紐約嗰的地方咁，有行人，有巴士，有車，有輕鐵，仲有好多單車，係好很多單車，仲要佢地係非常 aggressive (來勢洶洶) 的單車。
好老實講，以我淨係係美國揸嗰幾年車嘅經驗，我真係唔敢係呢到揸車，一嚟架車變番右軚，同埋呢邊好多係棍波(我淨係識自動波) 二嚟路面上面真係太多太多野要留意。
我非常同意呢個世界應該多的用番單車 或行路 (減少廢氣排放及空氣污染) 但係以我自己係揸車的人嚟講，每次有單車係旁邊經過，對我嚟講係好大壓力，我好驚我會車到佢，但係佢架單車會左搖右擺，有時會好貼行車線而唔係靠行人路嗰邊，所以每次見到佢地，我都係慢駛以免同佢平排直至佢走咗。(每次入城去人多車多又繁忙的地方，去到落車時係好似考完試呼一口氣咁架！)
有時更加驚險的就是係單車線入面，佢都會唔鐘意另一架單車慢吞吞的就扒頭，就會兩架單車平排再加一架車係隔離。
另一個問題係單車人士又唔鐘意單車線同行人路擺埋一齊，覺得的行人會阻攔佢單車嘅速度(!?) 卻睇唔到單車也在阻礙行車速度呀！
你以為互相讓路就可以呀？ 係加拿大我嗰邊，的人真係好有禮，有禮到過頭，明明前面係綠燈的，佢會好有禮的特登停車讓另一架車轉出嚟，試過好多次都係要急停。
以我自己揸車嘅經驗係，我鐘意紅綠燈多過 4-way
4-way 就係十字路口上，因為不是很多車流而沒有紅綠燈，要靠駕駛者的 common practice 出車，個一般習慣是順時針方向每次出一架車，但係因為沒有燈嘅清晰指示，好多時就係估估吓係咪輪到我定唔係，有的人又明明係到佢但又禮讓第二個，攪到好亂！！
No comments:
Post a Comment