炎夏！

又無香港咁誇！
呢到最多都係 20℃ 咁上下
不過今日晨早出去同陽光玩遊戲，攪成咁：

兩隻手同塊面變咗黑人咁款。

不過都好，我帶嚟嘅短袖衫終於有得出場！

我真係以為佢地無機會著架喇，日日起身都係得7℃ 8℃咁樣，係要等出太陽先暖番的，落雨嗰日又會變番好涼爽！！

今日學曉搭巴士，唔洗30分鐘，嚟到呢個叫 40 foot (40呎)  嘅地方，你睇真的，的人係個海到游緊水。我仲要著外套！！！

呢到係愛爾蘭人夏天游泳熱點，係白屋對出嗰舊石頭最高點有40呎高，所以又叫 40 foot, 左邊嗰面有個小小沙灘，今日已經逼滿大人細路，我再帶肥鬼嚟嗰時要帶條毛巾係草地攤吓好了！

今日好天連狗仔都出晒嚟玩！

Dun Laoghaire
搭7a 巴士出到嚟呢到，落車嗰位就叫 People's Park 繼續向前行20分鐘就到 40 foot 行番過嚟 Dun Laoghaire 呢邊有個海事博物館，呢到係一個超大嘅泊遊艇嘅碼頭，碼頭有兩邊 (東碼頭，西碼頭) 盡頭處有燈塔，係好闊落嘅遊人散步嘅路。

我係呢到識咗個新朋友

Daisy 落去游水？

同佢主人傾咗陣，原來Daisy 落去捉海鷗嚟食呀！

東碼頭

我都有黃色外套，不過無帶。

佢件衫同個天嘅藍色真係好襯！