印象
2021年7月27日星期二
(2019.11.27 20個月)
我唔知其他人係由幾時開始 (係邊一刻開始) 發覺香港"唔對路"喎。
人人都會有唔同嘅野特別關心，每人的觸法點也不一樣，例如有小朋友嘅，會特別關心教育方面嘅問題；屋企有老人家嘅，會特別關心醫療項目；淨係想睇電視嘅，會關心電視台牌照問題；一般人呢，我想就係住家同交通吧。去到一個點，就算你點樣不理世事，世事都燒到埋身。
我雖然可以話一早就離開咗，不過咁啱得咁橋，我返香港時都碰上大事發生。
2012年7月29日反國教萬人遊行
2013年10月一籃子因素不發牌香港電視
2014年7月1日我要真普選遊行
2014年立法會財委會梗批東北發展計劃
2014年 嚴重超資的高鐵 (不定改建築鋼筋水泥標準)
2014年9月佔中運動
2016年2月8-9日魚旦革命
2019年6月9日反對逃犯條例
>>>>>>>>>>>>>>>>>>>>>>>>
我沒有小朋友，所以反國教嗰時，我只知共產党要來洗腦了，但係都未有切膚之痛呀。
到 2016年魚旦革命，我係香港呀！
係酒樓食飯，有電視機的 (一定係三色台啦) 同枱食飯有朋友係警隊的，會對著電視鬧的暴徒，抵死呀，打死佢地啦。新年紅假三日去賣魚旦，要用胡椒噴霧同嗚槍恐嚇人群？
點解同台有警察，因為以前係帶童軍運動的。
以往咁多年，童軍運動最普遍的義工服務，就係地方社區中心每年暑假攪嘉年華會，我地去維持秩序，你無可能唔識驅散人群與圍捕人群的分別。在我來看，係旺角那一晚，警察從呢一邊街頭射胡椒噴霧，但係另一邊街尾，佈滿警察去圍捕人群。一個政權要咁樣圍捕人民，係一個極大警號！
我自己係嗰時開始，發現自己同佢地做朋友的緣份完了。
到2019年，我又返來了，感覺就係細個跟阿爸阿媽返大陸，嗰時查得好嚴嘅，身上有2毫子都要寫係入境大陸張表格上，阿媽真係拖到我地隻手好實嘅，因為大陸係一個鬼地方，有入無出，走失了就是永別，偷呃拐騙隨街都係。真的，我2019年返香港，就係有呢個感覺。
到 721 的發生
你也可以繼續蒙著眼做人。只要自己唔係元朗國的人，當晚唔係元朗住，當無事發生。
到 831 太子站屍殺烈車發生
到呢一刻你仍然信共產党的 "佢唔出現嗰到咪無事囉"
我自己最深刻印象係 1127 理大圍城之後嘅呢一張相。
No comments:
Post a Comment