讓他們吃蛋糕 2021.7.10 Saturday

讓他們吃蛋糕

2021年7月10日星期六

咁啱前幾日因為講海地歷史而講開路易XIV

今日講名句"讓他們吃蛋糕" (英文 let them eat cake, 法文 Qu'ils mangent de la brioche) 

有傳說話，講呢句說話嘅就係路易14 嗰西班牙老婆 Maria Theresa of Spain 亦有傳係 Marie Antoinette 斷頭台皇后， 另一個說法話其實係小說家作嘅。覺得好巧合嘅係晉惠帝講咗句一模一樣意思的"何不食肉糜？"

可見就算係幾千幾百年前都好啦，東方還是西方，歷史都係一樣嘅，人類都係一樣嘅，就係上到去做上等人之後，就會堅離地架啦！

好明顯，今日講嘅肉糜，咪就係三位高官去食嘅$3,880一位嘅打邊爐囉。或者係淋病嘅嗰句"唔通見到鮑魚就走？"

唔該大家唔好錯重點啦！

呢單嘢爆出嚟嘅原因，係一名女子去報案當晚係嗰到比人強姦！強姦！強姦！

(點解特衰淋病要好講唔講，講鮑魚呢？佢年年考第一，就係唔知女性私密部位就係花名鮑魚？)

果然同強國接軌，必須係官場文化學到足，連共享小三都學埋。其實嗰晚係一對一強姦，定係九對一強姦，定係強姦發生9次，呢的真係恆大陳姓高層先知啦！

強姦新聞出咗嚟之後呢，就到高官比人開名。

包括保安局副局長區志光，入境處處長區嘉宏同埋海關關長鄧以海出席高級鮑魚飯局。其餘幾個無人講？淨係特別講呢幾個！奇唔奇。因為佢地唔重要？定係已經埋咗堆？定係第日有須要時用？自己諗。

然之後特衰政府(或 炳強派系) 先再用3位高官違反限聚令嚟轉移視線。

呢半年，日日都有人講，話有黑9 係機場監視每日離港航班上機嘅人。係影埋片比你睇架，的人都唔信，咁你睇吓呢個飯局囉，入境處 + 海關 + 保安，仲唔係同東德後期一樣啦，想脫離共產党就食粒子彈先囉！咁你仲有命走出去就睇天啦！

再講，報案強姦呢的資料都出到嚟 (即係擺到明有人刻意流料出嚟啦) ，另一邊嘅食環限聚令又係城管話事，即係依家入面軍閥統治話晒事囉，唔入我派系就開你名，攪臭你！

高官犯罪，就話佢地承受壓力，應告一段落，不須盡一步調查？咁依家佢幾十萬一個月係咪可以出陰屍紙比佢就得？依家係香港有邊個無壓力架，依家睇 error 睇 mirror 都比人話係錯！你淨係出嚟講兩句就算數？

>>>>>>>>>>>>>>>>>>>>>

又係幾日後

2021.7.19

點解仲要同呢間就死嘅野食高級鮑魚餐呢？

喂，真係球證球員旁證都你玩晒喎，自肥系列最高級別，連辯方律師都用最高級的聶公子 -> 聶德權之子聶天樂，仲唔係自己人審自己人，擺明又社會服務令了事啦！

唔知咁樣算唔算犯咗習八條呢？