近來
2021年7月27日星期二
之前完成咗兩幅牡丹花，因為要買第二幅牡丹花嚟拯救第一幅，唔想再蝕水比佢，所以要買兩幅攞佢嗰免運費優惠。
所以買咗呢幅，戀人河邊行路夜景，因為同肥鬼去愛爾蘭做野嗰幾個月就係住係河邊。
只要將呢條大橙柱當係樹，就同幅畫一樣咁呀！
嗰時我地就短租住係左邊的屋。
嗰幾個月佢要日日 5am 返工，所以我地未試過夜晚落街，但真係同呢幅畫好似。
>>>>>>>>>>>>>>>>>>>>
今日睇到另一個 blogger 講演唱會幕後製作其實係好大工程。入面有講佢地要點樣製作道具。
令我想起以前一件事。
我係讀酒店管理出身，之後係動物比賽公司做宴會助理，後來轉去人事部。
人事部個阿姐，係生果日報來的，不是假說話，很好人的，爽快型老闆，無架子，可能同性格有關，交際應酬好叻所以很喜愛為高層們攪大龍鳳派對。
有一天，保安部總監要退休了，當然要攪派對呀。
由場地佈置，當日流程，用具，餐單，小食飲品，小禮物，主持，對白，音響，音樂，禮台背景全部我地人事部小薯仔去做，問題係每日正常的人事部工作都繼續呀。唔會話有派對就無人離職呀！
以上總總，我覺得係比機會我學嘢，OK, 無問題，至多咪成個月日日 OT 或者派對之後嗰日攞假瞓足36小時咁喇！ ( 依家睇番嗰 blogger 篇文，人地演唱會幕後都係做的咁嘅野，但人地係成公司專責做，我就。。。)
好，最神奇的事。
阿姐有新奇主意唔係第一日嘅事；因為呢個保安部總監以前係 fbi 呀，所以阿姐話可唔可以整支鎗，㩒制嗰陣就彈支美國旗出嚟！嗰陣時，我係部門入面，係公認的枱面有好幾個唔同 title (頭銜) ：人事部職員 / 翻譯員 (因為做過宴會部所以食物餐單請柬都預咗係我) / 包禮物員 (因為自己鍾意摺紙，所以比人發現咗，所以所有人要包禮物都揾我) / 道具部員工 (因為會包禮物，所以人人都覺得你好就手 handy or crafty 所以乜都揾你)
所以呢個"整支會射旗的鎗"嘅方案，又去咗我度，真真無咁真，到依家都記得。
後嚟呢支鎗，經多番實驗都唔成功，同埋，花咁多人力物力時間，只為佢㩒制嗰一野，我最後好落力咁證明比阿姐，呢個 idea 唔 work 架，然後事件告一段落。
我嗰時仲係屬於"人地睇得起你，先會對你有期望"咁樣思想嘅人，所以用咗好多自己午飯時間，去灣仔玩具街揾鎗，嗰時住荃灣成日半夜收工仲邊有玩具鋪開門呀，支旗我都整到，但要再鑽研點樣可以㩒制彈出嚟。
依家回想起來，嗰時我地係有製作公司的，但係唔係每個派對都有錢去做，唔比錢街外做，就比晒我做囉，嗰陣返 8:30am 至 6pm 做人事部嘅野，到每次有派對攪，我 6pm-10pm 就會係做上術工作，完全係"我"就係一間小型外判。。。。算喇！換來嘅係一班好好的同事。一齊經歷呢的野，每次見面都可以笑一餐。
No comments:
Post a Comment