左。中。右。 2021.7.11 Sunday

左。中。 右。

2021年7月11日星期日

盲人維權律師陳光誠流亡美國9年，終於在6月正式獲得美國公民身分。

同一時間嘅新聞，就係古巴人都開始反抗了。

係2020年美國總統大選舞弊嗰場大龍鳳，我睇到嘅就係好多好多南美及古巴與越南嘅移民，比起好多左膠大愛洗腦嘅藍營 (dems) 清醒好多。

嗰時朋友攪緊移民，到咗1月6日我回佢短訊，攪到就攪啦，唔係都無乜分別囉，係香港要反共，嚟美都係要反共，以依家左派強勢咁攪，左右大戰只係時間問題。

就算你睇依家啲左膠服紙，都只係話佢地因糧食短缺而走去反政府，唔敢開宗明議講古巴人依家就係同香港一樣要反共產党！！！

成日流覽網上新聞嗰時，會比你一個感覺就係全世界都變晒左人。自己變咗係怪物的少數，所以話佢地攞咗 media 嘅控制權真係好恐怖的一著。

但係我自己每天落街行路撞到嘅人，傾開計之後又會發現佢地都係 conservative 都係睇得出依家 progressive left 係同當年希特拉行緊嗰套一 L 樣

返嚟同肥鬼講呢樣野，佢答：因為魔鬼就係要你相信，你已經無望了，絕望的人最容易控制。

係美國見到咁多清醒的南美人古巴人，令我覺得又有番希望了。