見到咁靚嘅太陽，即刻仆出嚟行路啦。
唔夠10分鐘，肥鬼打嚟，原先安排咗10am整廚房的人問最早可以改幾時？？？
九點喇！我係要將我兩小時的步行變做跑。
轉頭又打嚟再問830am得唔得。。。
唉，一波三折，次次都係咁，抄小路跑返去，車都唔見？！？！
遲了10分鐘，好啦，快快手攪掂我再出去啦，點知佢話啱啱發現，爐頭左右兩塊枱面唔同顏色，一塊啱，一塊唔啱！！！今日只可以裝啱色嗰塊，佢地工場要切過左邊嗰塊，可能聽日或後日先再裝！！
其實我日日基本上都係屋企，但係都唔鐘意咁樣要左等呢個右等呢個，而且裝完枱面之後仲有水喉匠同埋牆磚師父嚟，依家要逐個安排全部改期，真煩，係自己屋都算啦，包租公依家去咗渡假，就整壇咁嘅野我攪，越嚟越唔鐘意嗰包租公。
本來佢係屋主嗰廚房鐘意點整係佢嘅事，但係我地都簽咗6年約，有排住，多口問吓意見都好呀，無嘅！依家仲用左右兩邊的洗手盆，大的嘅煲都放唔到落去洗，攪到次次洗煲都整到成枱面水。
但係講到交租呢，就想我用外幣交租比佢，等佢可以慳番對換外幣手續費，我地方便咗佢啦，仲要0.02嘅對換率都同我計，以後零頭蝕比銀行都唔會再幫佢任何野。
終於明白呢到的鄰居無人鐘意佢，出晒名cheap精。
企定定係到等。。。
No comments:
Post a Comment