通話

老實講，我很少打電話比阿爸阿媽。

因為我做唔到好似肥鬼咁樣。

佢同佢老豆講電話，講到的佢唔想講嘅題目，

佢會直接話 I dont want to talk about it 

然後佢阿爸都會好尊重的收口，轉講講第樣野。

6.45am

其次就係中國人都係好鐘意教訓別人。

我論我講乜做乜，佢地梗有更好的方法辦法做法，

而我做的總是唔好 或 唔夠好。

6.45am

呢邊曾經有個同事，佢講得好啱又好明我。

佢話佢阿媽鐘意將青瓜打横切，我同事即係佢個女啦，就唔知點解鐘意打直切，佢阿媽到依家每次見到都話佢咁樣唔啱，係切錯，我同事自己都60歲啦，所以佢會直接同阿媽講 No, it is NOT wrong,  this is my way to do it!!! 

7.15am

再其次就係我阿爸阿媽常常嘈交，

我同阿媽講電話，講嘅野好快就會變咗，

到最後佢總喺係到講阿爸的不是。

很奇怪，佢兩個又唔係相睇結婚嘅，

又唔係盲婚啞嫁，係自由戀愛結嘅婚，

點解依家咁多野嘈。

日出越嚟越早，今日日出係7.12am, 呢到見到個太陽已經高過個山，即係大約7.30am

呢張相企正正喺尋日嗰位影架。尋日煙雨濛濛乜都睇唔到，今日睇得清清楚楚。

以前我地細個，阿爸揸小巴養大我地四條化骨龍，阿媽做家庭主婦，還算好地地嘅。到我地開始越嚟越大，好多野開始浮面。

阿爸好鐘意係我地面前扮做好人，好多說話淨係喺對阿媽講(發脾氣的說話/唔客氣的說話) 以前我地細個，阿媽就忍佢，咁依家我地都大晒喇，唔想聽就叫佢收聲囉，叫佢有乜就自己同仔女講！

但阿媽自己又古老思想，成日向我地講佢。

咁想點呢？

如果地叫阿爸收口，

即係好明顯阿媽你向我地篤佢背脊喇！

隻船無郁過架， 泊定咗係同一個位。

唉，講佢兩個嘅野真係水蛇春咁長都講唔完。

尋晚落過的雪，好在落雪前有員工灑鹽。

地下呢的一個一個圓圈，就係因為係鹽嘅附近範圍的雪溶咗。

一粒粒嘅雪真係好似發泡膠

又結一大舊冰

 潮退得很低

剛剛出嚟嘅太陽，陽光照住城市

相呢到睇得唔係好清楚

其實高嗰幾座大廈比陽光照耀金光閃閃的

讓我想起 Hotel California 嘅歌詞

On a dark desert highway, cool wind in my hair
Warm smell of colitas, rising up through the air
Up ahead in the distance, I saw a shimmering light