想睇原因 2. 張經緯作品 (佢拍音樂人生的)
想睇原因 3. 連入面做阿爸嘅老戲骨陳哲民都話鄧麗欣有surprise (我認，我一路都以為佢只係賣樣類演員)
少少有關戲的內容
(我都未睇架，不過睇咗的新聞就估個大慨) ：
有個女仔殺咗父母，比警員審問時交待案發經過，咁啱呢個警員對呢單案有特別感受，因為佢同疑凶的一生有相似經歷。
其實我睇到的第一篇有關呢套戲嘅新聞，就係攝製隊伍去謝票時，有觀眾比意見話：
1. 套戲教壞細路
2. 話"個老豆都無強姦佢，點解要殺個老豆？" (上面嗰 youtube 片段)
youtube 片段入面無講導演點樣答呢個觀眾，但係導演係訪問嗰度就話直覺地引申去諗：咁係咪即係你覺得佢強姦咗個女，你就可以接受個女殺咗佢？
近呢幾年，多咗睇一的會令自己不停反思嘅野。
我諗起早前睇嘅一個訪問：
Erik Menendez 同埋 Lyle Menendez
佢兩兄弟係殺人犯，被判終身監禁，佢地殺嘅就係佢地嘅父母。
案件喺 1989 年發生嘅，當年好轟動，全因為佢兩個係比華利山有錢仔，讀名校，案發時只係 19 同 21 歲的年輕人。
點解呢位觀眾嘅意見，會令我諗起呢兩兄弟呢？
因為呢兩兄弟由細到大 (大約由 7歲開始) ，不停比父親性侵犯，阿媽又沉迷飲酒，不單沒有制止佢地老豆嘅禽獸行為，更可能因為呢位丈夫冷落佢(據說是沒有同太太性交，只喜歡性侵兒子) 所以媽媽對佢兩個的態度也不好(將心內的怒火投放到兒子) 就算有屋企人發現懷疑有問題，都是輕輕帶過，什或幫丈夫隱瞞。
細佬剛考入大學，以為就快可以搬去宿舍住就可以逃離魔掌，點知阿爸話唔準，仍要住係屋企(即喺繼續比佢性侵) 這就是案件的大慨，要詳情自己可以搜尋一下。
呢單案同那位觀眾的意見嘅關係喺：
現今的社會，條線去咗邊到？
條線淨係指對與錯？
條線係純粹用道得去量度？(我自己越嚟越覺得'道得'兩字，只係儒家不停給別人的規範，而且大多係好模糊的，因不同 case 佢可以點講都係你唔啱嘅)
如果人真係思想簡單直接的覺得，比阿爸強姦，就可以接受佢殺咗阿爸，照咁睇，呢兩兄弟應該係無罪呀？
錯了。
當年呢件案咁轟動，係因為大把人，覺得佢地係有錢仔，阿爸對你嚴的之麻，你大逆不道，阿爸比錢你洗，買靚衫，去旅行，有遊艇，你兩個殺咗阿爸阿媽，要將佢地死刑，後嚟死刑 off the table 就要判佢地終身監禁兼且沒有機會假釋，即係真真正正的坐監到死嗰日。
=======
今日係呢到要 focus 係呢套戲同呢單案，已經唔講另一個訪問，講嗰的 8歲 10歲 就殺人，又係判終身監禁嗰的。成件事已經唔可以淨係睇對與錯，係，佢係殺咗人，但係一個10歲的人要坐監一世，又唔知佢幾時先會死，即刻無限期坐監。仲要依家個社會痴線到一個程度係，唔止一個咁樣嘅人呀，依家有幾百個，罪犯年齡越嚟越年輕，好快就變幾千個幾萬個，係個社會要"養"呢的人一世呀！你唔肯將對與錯放埋一邊，用其他方法去睇呢件事，你係唔會諗到解決辦法。
=========
講番兩兄弟呢個 case ，個辯方律師一出嚟，已經講到明話，係，佢兩個係殺咗人，呢點係事實，但係，佢兩個嘅一生所受嘅性侵同虐待，沒有任何一個大人企出嚟制止同保護到佢地，呢一點係每一個陪審員量度刑期嘅時候都應要考慮的。
嗰位觀眾嘅意見話，"阿爸都無強姦佢，點解要殺阿爸" 佢真係諗野太簡單囉，假如阿爸真係強姦咗阿女，仍然會有好多人，什或呢個人自己，都會改變想法，話阿爸供書教學，阿爸養你長大，阿爸點點點，所以你應該要點點點。。。
或者可能我離開香港太耐了，其實，呢位觀眾嘅第一個意見，我真係覺得呢個觀眾思想太簡單了，"點解你套戲教壞細路" 我想話，你的咁嘅思想，先至係教壞細路呀。佢仍然覺得細路自己無思見的，係比人教壞的，這才是我真心為佢悲哀的一點。
No comments:
Post a Comment