但係今日發生應咗初三赤口呢樣野。
又係陰天
細個時，阿媽會係小學門口等我地放學出嚟接我地返屋企。好多時，的師奶們都係企埋一堆交流情報，而我阿媽多數係同佢地寒喧幾句就自己柄埋一邊等我地。
阿媽話佢一堆二堆三姑六婆地成日都係係到講人是非，所以阿媽唔鐘意同佢地混埋一齊。
就係咁，所以我初初嚟嗰時都唔係好想加入呢個太太團。
但係想深一層，講唔講是非係你自己可以控制的。未接觸過就咁樣假定咗佢地，都係唔啱。
而且，我初嚟到嗰時，佢地都好歡迎我。
我地搬屋嗰日就整晚餐拎上嚟比我地，係我未熟路嗰陣仲特登嚟車埋我一齊去聚會，好多邊到買餸平呀，邊到剪頭髮呀，邊到有特價呢的野都會互相提點。
所以我先至決定唔可以咁自閉，要係呢到都揾到朋友。我地係 fxxxbook 嗰到有個 closed group 係平時聯絡用嘅。
久而久之，大家熟落咗，又 add 咗做朋友。
事情係咁嘅。
早前係 佛羅里達州 又有校園槍擊案。其中一位太太 K 非常支持槍管，同時另外一位太太 P 當然就係相反啦！
支持槍管那位發表了很多意見，不支持那位太太都不甘後人係下面回覆了自己的意見。
問題來了。
很多太太K 的朋友同時向 太太P 還擊！！！
到最後太太P 删除了自己的留言。
我想起了呢首歌
Miranda Lambert - Automatic
入面有句歌詞
If you had something to say
You'd write it on a piece of paper
Then you put a stamp on it
And they'd get it three days later
我覺得現在人人都趕住發表自己嘅意見。
有無發覺以前仲要寫信嗰陣，會寫完覺得寫得唔好，畫咗佢 / 揸埋一舊，重新寫過，就係呢個過程，一時意氣嘅意見和說話都溝淡了。
依家？慢一秒都唔得。
每次見呢隻都覺得佢頭頂的毛好攪笑！
我依家明白點解去佛寺靜修，係唔可以講野嘅。
當你試吓一日唔可以講野，同一個念頭，經過一日嘅細想，都會有唔同睇法。
枯枝上嘅水珠晶瑩剔透
行到中途開始落雨，又想懶惰(同埋急於辦事！)
好想返屋企，但叫自己行到去茅廁再決定，
辦完事出嚟又細雨了，無藉口要照行。
就影到呢張小雨點落大海
No comments:
Post a Comment