呢件事係好耐之前架喇，因為偶然見到呢個meme，令到我將過往幾件事串連起來。
唔單止係的藍光嘅問題，仲有佢其實唔係真係好慳電囉！或者你唔信（唔想知）就直接跳過呢篇算吧啦。
====
香港係煲呔曾嘅年代，曾經出咗件慳電膽事件（2009），過後比人發現，美其名環保，其實又係利益輸送問題！
嗰時佢話慳電胆比鎢絲燈泡慳七成電（！）所以叫兩間電力公司出現金券（引誘）比人換晒做慳電膽。
但係同時間又開始限制鎢絲燈泡的售賣（！）跟往再推“強制”能源標籤計畫。
嗰時我剛剛離開香港無耐，對香港嘅新聞仍然有留意，但係嗰時我自己頭腦都未清醒，都仲係比傳媒‘引領’住我的睇法，所以嗰時我只係著眼佢利益輸送的部份（自肥），完全無乜點諗過換燈胆的部份，或者我都係同一般營營役役嘅香港人一樣，日日返工為生存，無理咁多。
====
直到後來我去咗加拿大，租屋住。
有日房東通知我地，話下星期環保署/能源效率部會上門“免費”同我地換晒全屋啲燈胆！！
咦！咁大隻蛤乸？？？
又係免費換燈胆，咁熟口面嘅？
====
其實，如果你無離開過香港去其他地方住一段時間（旅行淨係去東京首爾呢啲大城市係無分别的），係無比較嘅情形之下，你未必察覺到，香港嘅光害真係好嚴重！
我以前喺荃灣往14樓，係我間房半夜唔開燈，都可以睇到一清二楚，因為對面有幢醫院長期燈火通明，再加另一個對面有間酒店，有幾十個大射燈長期照住洒店外牆，但係我以前嘅“習慣”就係一入房就‘’覺得‘’好黑，就申手去開燈！
我初嚟美國嗰時，成日將全屋啲燈開哂，覺得周圍都好黑，用咗好長一段日子，比對眼去適應番唔光猛嘅感覺，然後就發覺，嗰啲燈胆光好刺眼，入黑後將啲燈較暗，對眼係舒服好多嘅。
發展到後來，用白光都唔舒服，只用黃光。
====
嗰次加拿大換燈胆，全部都係LED白燈，好在嗰時我地已經好少開燈，就自己買番幾粒黃光燈胆係廳用算數。
依家諗番，成件事個破綻就係，如果慳電膽能真的慳電，以香港人數口咁精，慳好多錢喎，唔洗你送都自己去換啦！？
仲要電力公司出現金券比市民／成個省免費換掉所有燈胆，呢條數唔細喎（最終咪又係我地交啲税金嗰到嚟）呢個世界邊有人咁好死呀？正所謂“阿婆走得快，一定有古怪”，本來以我地“無咁大隻蛤乸隨街跳”嘅思路去切入，一定知道係無好嘢啲。
但係，大家都比環保議題‘’騎刧‘’了（你唔做你就係殽地球兇手！），仲有就係大家都信“專家”，專家話會慳電，根本就無人會咁無聊去check吓真唔真，有幾真。So far我問個啲人，個個都話最終唔覺電費有少咗！！
不過嚟到呢一刻，人人都落咗踏喇，關人L事囉！！
=====
情形就同裝太陽能電板一樣。
呢邊曾經有段日子，鼓吹的人係屋頂裝太陽能電板，佢地話裝咗之後你可以供電比自己，有多餘的電仲可以賣番比電力公司（咁著數！？）。
首先，呢邊要裝電板大約投資係美金25,000-35,000，你亦都要裝埋個generator（發電機）+大電池+變壓器，因為太陽能發電的輸入係高低起伏很大，無呢一堆嘅裝置，你屋企電器會因為供電輪入不穩定而不停燒fuse(保險絲），亦因為呢堆嘢，你屋企保費會跟往加價。
的而且確，你係會慳咗自己嗰部份電費嘅，（好多人話要大約3-5年回本），但諗深一層，其實你只係將跟住好幾年嘅電費一炮過比咗佢，之後先至係真的自給自足。
好啦，到賺錢嗰部份喇，🤭🤭，其實係你個變壓器嗰到有個制，比你輸出供電比電力公司，但係，你係要電力公司嘅批准，先可以撻着個制（🤣），佢都係必要時，先會同你買返的電。乜嘢係必要時？咪就係用電高峰期，每晚家家户户煮飯睇電視玩電腦洗碗洗衫嗰時，或者係熱浪的日子，即係你都要用好多電的日子，所以，同識嘅朋友傾過，賺錢呢part係得啖笑。
要講實際收益，反而係如果你揸EV電能車，你係會慳咗啲油錢（出面叉電同自己屋企叉電），but that's about it!!
唔好忘記，太陽能電子板同嗰舊電池入面嗰的chemical係幾百年之後都仲係到污染地球。
No comments:
Post a Comment