車袋 20250602

有段日子，我好鍾意逛手工勞作用品工具店舖，

我的興趣一度好濫，織冷衫，車嘢（縫紐），穿手鍊，自製頭飾，自製咭（生日咭聖誕咭），整番梘，

所以每次去嗰的舖頭，次次都破產收場。

每次行都有好多勞作idea，樣樣都靚，樣樣都想整，樣樣都好玩，買好多材料，整得嗰幾個製成品，然後淨番一大堆材料工具，最重要係，

的製成品好多時用咗幾次就無用了（飾物類的東西）。

又未至於去都工藝師咁高嘅水平，多數就係送比朋友，

後期係捐鬼咗佢算數。。。

所以後期要自己專攻的“實用”嘅手作。

曾經係yt睇到好多呢的日本片教車小手袋／小袋仔。

曾經都車過好多環保袋，諗住唔洗用咁多超市膠袋呀。

但係一段日子後，我發現香港或日本鍾意嗰款環保袋

（同普通膠袋一樣形狀的）對我嚟講係無用。

因為我地呢邊車上車落，我多數係超市攞個紙箱，

推車仔去車尾箱，放咗紙箱先，

再將買的日用品放晒入去，攪掂。

到我真係買好少嘢嗰陣，我通常係唔要膠袋，

就咁拎走，都係放係車後座之麻。

仲有啲教車小手袋嘅，我發現自己好多時就咁拎往銀包電話就衝入去超市／鋪頭，其他都係擺晒係車度，

袋都變得無用。

到依家，我返而係睇改衫片。

將自己唔再著嘅衣服，改頭換面，著多幾次就叫做環保咗，又無浪費錢去買新布料，無壓力的勞作。

車得唔好都無問題，反正係舊衫，點玩都得。

暫時主要手作活動係改舊衫同整番梘，最實際，有用，無浪費。