不是免費 20250601

之前講開，呢邊有好多社區組織業餘的合唱團或樂隊 (community choir or band)，定期有免費表演。

今次要講嘅呢個正正相反，是要比錢的。。。

肥鬼表弟有三個囡（12，14，16歲），佢地全部都有參加戲劇表演，我地所有屋企人都有定期嚟捧場😂

啱啱呢次表演係 Spongebob 佢地三個都有角色，之前有做過Lion King都係咁啱三個都有角色，仲有Cats都係，不過有一套劇係大囡做“導演”的，嚟到先發現真係只導不演，變咗係比錢睇一個“麻麻哋”嘅畫劇表演囉。

講真為支持小朋友嚟睇，水準一般係預咗。但我有睇過其他附近學校攪嘢畫劇（嗰間學校明顯有錢好多，有成座體育館同劇院）佢哋可投放資源亦明顯勁啲，至少係揾到個真戲劇導師嚟教！所以我係會聽到佢地唱乜！

係呢個業餘劇院，每次我同肥鬼媽嚟睇，佢都係話聽唔到佢地唱乜架？有時係唱得好快喇，好多時係咬字問題喇，仲有就係依家的細路成日講嘢鬼食泥咁。

除咗支持吓啲細路，其實更加支持啲家長，因為呢的蚊形劇場，全靠的家長做義工去製作架，所有服裝，道具，營運，場務，茶水都家長做義工做晒佢。

呢個劇場係好耐歷史架喇，成幢嘢就係一個字，舊。

但係個鎮入面，近屋企，又定期有戲劇製作嘅，就係呢到喇。講真，要比三個囡都參與呢的活動，係唔平架。（依家呢個世界仲有乜嘢係平架呢？）呢到每人每月要俾US$200無走雞，相比其他運動類項目，可以算是平了。

========

無比較無傷害。

咁啱暑假來了，肥鬼個妹諗緊比個仔去游泳班，3星期入面共10堂（頭兩星期係一至四，第三星期係星期一二），每堂45分鐘，佢要車去佢學校，校巴車的細路去泳池上堂，係學校接番嗰仔，承惠US$150

肥鬼侄仔，參加社區中心足球隊，每星期訓練一次+星期六比賽一小時，每個月US$100，個教練係家長義工，所以$100可以講係租場費用+一件波衫（即係無乜錢賺）所以會有影相環節（呢邊的細路，興每年影“學生相”留念或派給親友）影相環節每個細路US$70/2個pose

肥鬼表哥有3個囝，全部玩冰上曲棍球，淨係訓練比賽工具，每月最少US$3000無走雞，仲未計去其他州嘅比賽，車費，食宿全部都係自己荷包出架。

有時我會諗，佢地係真條想個細路多的活動？定係家長想要的‘空餘’時間？