暑假的幾個月
眨吓眼就過去了
六月嗰時 仲係好似微涼的秋咁樣
然後七月 香港的家人來旅行
整個島嘅最東最西 上山下海的全走均了
透透氣 執吓間屋 又到肥鬼美國的家人朋友來了
今次連最南最北的都去均了
唔怪之得 肥鬼的同事 話第二年開始就好悶
度度地方都去過了
眨吓眼又變番秋來也秋去的境地
肥鬼剛剛有6日的連休
很老實的說 我們4日都足不出戶
同肥鬼講就係好似整年以來第一次放假咁樣
10月3日
仲有超猛太陽 + 微風
簡直係四季入面我的最愛
樹葉都開始轉紅
又係時候將日常步伐收慢
將時間表調節番去簡單清閒的一欄
上星期還有去釣魚
只是幾次的訓練
我都竟然可以一次釣4條
天氣好的話仲可以釣多幾次
儲埋佢等我冬天都有魚食
其實係鐘意摸黑出去睇日出
同埋真係好鐘意靜靜的 未有人 對住嗰大海
釣魚嘅時候
見到一條海獅
令我腦入面的思緒不停運轉
係有關近來看的一部短片
Agenda - Grinding America Down
共產黨這話題
其實之前同一個同事偶然傾過
同太極兩儀嘅論說一樣
個世界去到一邊嘅盡頭
又會向另一邊走呀
沒有一個人能控制得到
就算美國當年幾咁努力同穌聯冷戰打擊共產黨
但係依家整個社會就比大企業玩晒
普遍嘅人都覺得市場上嘅錢比有錢人"立"晒
咁好自然就會要求制度 (政府) 照顧自己
初時可能只係要求要將個制度變得公平
但係久而久之，不能將差距收細的話就只會變得越嚟越大呀
又睇咗呢個 list 呀
入面50間公司，大約得10間係真係"造"的野出嚟嘅，即係manufacturer
其餘好多係互聯網公司，財務的，零售的
又，看過一篇文，以前係點樣建造一個小鎮 ↪
一個小鎮，有一間工廠，請1000個員工，每個員工家庭成員4人，
成個小鎮5000人，可以開好多餐廳，超市，醫院，學校等等等等
另一方面，list 入面呢50個人，點樣糧度佢成唔成功，
其實只係睇佢做唔做到條數，
因為全部都係同 shareholder 交待呀
我自己做過 retail , 要交條靚數出嚟
咪原先一間舖要6個人(3更，每更2個)
同佢cut到變5個變4個囉
仲要呢的工係唔能夠養起一頭家嘅
咁咪惡性循環無人建立家庭，無人出街食飯，無消費，無小鎮
我家姐的公司，就係呢50間入面嘅其中一間 manufacturer
但係佢地已經講緊未來10-20年要點樣用機械人取待成條生產線
所以，其實睇咗呢段片之後，我係覺得呢個世界無得救架喇
Agenda 2 - Masters of Deceit
覺得其實同左呀 右呀 民主呀 保守派呀 自由派呀 乜都無關
咁關乜事？
嗰隻海獅
水入面大把魚 (依家當造 我都釣到咁多)
嗰日對面有班釣魚大叔
佢地係釣魚過日晨嘅
所以佢地釣到魚係掉番落海嘅 (catch and throw)
而嗰隻海獅
就係佢地前面游嚟游去等人餵佢
其實唔單止海獅
仲有好多鷺 (egret / heron)
全部都係到等人餵
我就明白
呢個世界上 每一個人
如果可以唔洗做就揾到食 無人會做野
呢個係天性
所以 現在全世界都傾向社會主義
雖然我絕對知道社會主義正正就是共產主義的前身
但係呢個世界上無人能制止呢件事嘅發生
現在很多靠左的人都覺得自己做緊正義的事
而很多人都覺得嗰的靠左的政治人物係到幫緊佢地
事實係點呢？
大家睇吓呢篇就會明白 ↪
無論佢係左定右，到最後去到金錢同權力面前
佢地都係向上面跪低
大家都係靠自己執生吧喇！
能夠係我有生之年可以盡量拖慢已經偷笑。
BTW 同肥鬼傾呢樣野嗰陣
佢只係彈咗句
"你會好出奇有幾多右派的其實係左底，或者係左派的原來心入面係靠右"
<video - 共產主義不是出路而是絕路>
近來又睇緊講 scientology 嘅片
發覺邪教都係一模一樣的
共產黨係邪教，科學教都係邪教
如果有人諗通咗究竟點樣可以令洗咗腦嘅人清醒
咁或者世界仲有得救？
No comments:
Post a Comment