唔知有無人好似我咁架
成日都不知時日過！
唔一定係快活咁過架
無無聊咁過都一樣
主要因為肥鬼係番shift嘅
所以，淨係記得佢要唔要返工/仲有幾多日先放假
其他星期幾呀？幾號呀？呢的唔係好清楚架！
有時係落到街行路見咁多人嘅？
咁先醒起係星期六/日
但有時就會瀨嘢
因為我地唔鐘意同人迫，多數唔會週末去超市嘅
前幾日明明係普通日子
但係我地去到超市都超級多人
跟住先醒起，嚟緊就係加拿大thanksgiving
所以週圍的超市都好多人
咁關咩月餅事呢？
嚟咗呢邊之後
除非我特登上網去揾個農曆月曆去print出嚟
唔係的話基本上我唔多記得中式節慶嘅日子
唯獨是中秋節我會記得
其實唔係我記得
反而係肥鬼會記得同埋提我
吓？佢係鬼佬會識中秋節？
多得美國啲入境條例囉！
因為曾經有禽流感
所以蛋/蛋黄唔可以入境架
而月餅入面大大個蛋黄，唔係睇唔到呀
唔睇字睇圖都見都啦
而每年中秋就到嗰時
就大把人係加拿大帶番嚟
結局都係一係即刻食晒佢，一係掉咗佢
所以每年一見到的人又帶月餅
佢就知係中秋囉
BTW 我解釋過好多次比佢知
個月餅焗咁耐入面個蛋黄有乜菌都死啦
佢話係農業部嗰邊嘅指示
Anyway 大家都係食完先返嚟吧！
No comments:
Post a Comment