代購

重複排隊搶購墨爾本超市奶粉-澳洲女子當面斥-你們合法但是錯的/

其實我啱啱過嚟個陣，都有朋友叫我幫手買野寄比佢地，之後都有好多人話 "喂！有得諗呀！" 之後就不停見到嗰的 fb shopping page

但係。

我真係唔想做，因為做呢樣嘢，我覺得自己同去搶奶粉無分別。

啱啱嚟嗰陣，住嗰度同加拿大好近，的加拿大人成日揸成個鐘車過嚟美國shopping, 問佢地點解要過嚟shopping, 佢地就會話幫助美國經濟？！？！

以我基本的經濟學知識都知道 demand and supple 嘅理論啦。

你地成日過嚟shopping,  咪炒高晒呢度的物價囉。好簡單，如果唔係呢到平的，你仲會嚟咩？

佢地過嚟唔係買的乜嘢高檔貴價貨，係真係過嚟超級市場掃貨同入油，呢的基本生活物資嘅價格，咁比人炒高晒，然後係到住嘅人就要承受結果。

呢個就係我到依家都唔想做代購嘅原因。