泰國出名甜品

呢碟野嗰樣好怪。

全因為我地兩個都係"汁怪"嚟嘅。

食任何野都鐘意多汁。

所以，食芒果椰汁糯米，

的汁多到好似撈湯咁樣。

原來呢樣野超易整。

呢到係1 cup 嘅糯米，先浸4小時再蒸30分鐘。

我係呢到揾得呢個細pack 嘅椰汁，

兩人食啱啱好。

加一至兩茶匙糖煮滾佢，我用黃糖嘅，所以呢汁就啡色，唔鐘意就用番白糖囉。

有人鐘意加粟粉整得個汁杰的，

我就無加，睇你個人口味。

蒸熟嘅糯米撈的汁，先放一邊等一陣，

等佢再吸引的汁入去米入面。

再切兩個芒果，

我鐘意呢的墨西哥芒果，香啲蜜啲。

(有人鐘意大大隻嗰的澳洲芒，有的紅色綠色嗰隻

我自己就覺得佢係多肉但無乜味)

一齊放晒上碟，再加的汁，攪掂，好味。