樹

看到這篇blog

老占的博客
地球第一 賺錢第二

令我想起呢個TV show ↪
Timber Kings (HGTV Network)

佢地係一間加拿大嘅起log home 嘅公司。

Believe me,  佢地起嘅屋真係好靚。好靚。。好靚。。。 

係網上求其揾兩張佢地嘅條作，都已經係靚到阿媽都唔認得嘅程度。

(可以去search 呢個show睇吓，全部。係全部。都好靚) 

佢地間公司Pioneer Log Homes，係focus 幫客人tailor made log home 

每間屋都係個別設計嘅，

地球上每個地方，(你比得起$$$) 佢都會嚟同你起。

睇過好多集，唔係間間都會講個價錢出嚟，不過通常都會講size 。

其中最大一間，係佢地去到俄羅斯莫斯科(我鐘意叫穌聯) 嗰到，

同一個investment banker起嘅。

成間屋(如果咁仲係叫做屋)  有82,000sq feet

部份樓底30-40呎高

有兒童翼，父母翼(即係好似shopping mall 有東翼 西翼咁樣)

有sports complex (運動綜合大樓)

其中有奧運size 嘅泳池

有sauna,  hammam (a turkish bath) 即係浴場

另外一間最細嘅，係去Germany Gessertshausen

係嗰到起一間660呎 一層過的 studio log home (studio 式 即差不多係全開放式) 

點解睇咗"地球第一賺錢第二"嗰篇blog 會想起呢個show?

係呢個show,  唔多唔少會介紹番的建築設計

而起得呢的log home 通常size 都有番咁上下

好多時佢地會係屋正中間放一條超大嘅柱(center-post) ，承托住全屋最長嗰條主横樑。

就因為呢條柱係正屋企正中，好多人鐘意揾棵樹有多的detail(特色)  嘅

好似咁樣

係某一集，佢地介紹時，話呢條柱好貴，要好少心搬運，

因為呢條柱係嚟自一棵700年的大樹。

嗰刻，我個心一沉。

我在想究竟呢個世界仲有幾多棵700年的大樹？

的人為咗"靚"就鋸咗佢。

我深信呢間公司，肯定已經比大陸嘅好好多。有交足稅。

唔係佢法定擁有的佢唔會鋸，或比足錢先去鋸。

但係，乜野為之夠？

比足錢，係比邊個？邊個係法定擁有個棵樹？

邊個係地球上嘅人可以話自己擁有一棵700年嘅樹？

然後決定一個價錢賣咗佢比人鋸走佢？

我初初嚟美國嗰陣

成日見到一車車貨櫃嘅log(木頭)

我都會好心痛咁嘆氣又同肥鬼講佢地又斬咗唔知幾多樹呀⚠

初時肥鬼都會話知唔知美國仲有幾多幾多acres (英畝) 嘅樹呀

什至依家係加拿大，睇吓個地圖，就好似穌聯咁，九成都係未開發嘅土地，全都係樹！

係咪咁就可以任斬唔嬲？

我地睇過一個，講呢頭各小鎮嘅旅遊節目。

其中一個小鎮，航拍嘅時候成個山光禿禿的，然後就係一車車貨櫃嘅木頭，

開緊去碼頭運走。肥鬼都"呀"一聲問"佢地做乜cut 晒的樹？"

原來那小鎮係靠做紙維生。

可惜，連做紙業都息微了。

(見下面新聞) 

One industry towns watch as economy passes them by

然後，我的腦袋就好似精神分裂，

究竟係斬樹好？定唔斬樹好？