今年天氣

（上圖是出面第二期發展的工地，在這下雨天都變了一地泥濘。）

眨下眼又11月了！
這兩天都在下雨，只要晚上氣溫跌低一點，這些雨點就要變成落雪了。

今年過得實在快（有邊年唔係呢？）但好在今年的天氣特別好，整個夏天，氣溫高過80F的日子，十隻手指數得晒，年年都係咁樣就最好了。

而且搬來新屋之後，不是太熱的話，開晒的窗就一屋通爽，晚上開窗睡覺，好天的話便可聽著蟬鳴和青蛙叫，雨天就可聽著淅瀝雨聲，睡得十分香甜，感覺就好像回到小時侯。

我的小學四面都有花園，夏天的時侯，蟬鳴十分嘈吵，可是在課堂上，蟬鳴加上老師有節奏的講課，真是導人入夢的最強交響樂。


每一次搬竇都在想，今次一定要發奮圖強，努力寫blog，又看看今次的熱情可以維持多久。

其實，我在想，寫blog，好像都是寫給自己看的多吧！
講真，出了的網誌有沒有人看是沒人知的，我覺得，寫的人都是在自言自語吧！
或是像我，得了前期失憶症，唯有在還記得之時一一寫下來吧！

沒有嚇你，我的失憶症是很嚴重的程度了。
例如：下面這餐廳。因外形特別像堡壘一樣，所以很想去試試。
每之經過，都問肥鬼幾時同我去呢到食野呀？咁特叮的餐廳做乜唔帶我去食呀？
肥鬼次次都話，我地去過呢到啦！（我就當佢係企圖蒙混過骨）終於，係幾個月前我地去咗食早餐，入到去四圍望望，我仲話佢：都話無嚟過架啦，我都無印像見過呢到。

然後，因為在yahoo blog只是一個小小用家（不過約200篇網誌）所以搬竇這偉大工程還是自己來吧。一篇一篇的copy and paste。又每篇都看看自己那時在做些什麼。

就在搬竇過程中，發現了一篇2005年第一次來美探肥鬼的網誌。 
http://thepenguinsfamily.blogspot.com/2013/10/20050928.html

咦，點解入面間餐廳咁熟口面，原來真係嚟過！
好在肥鬼唔識睇中文。哈哈！