阿肥鬼見我咁鍾意呢度啲早餐，就特登車我嚟呢一間食早餐
你睇佢個樣，係苦笑。因為我第二日就走啦，佢本來叫我唔好影，但係，唔影我番到嚟睇乜？所以我決定照影．．．哈
呢個就係我個朝嘅早餐，有harsh brown有omelette有toast，已經細咗架啦，我係個啲好鍾意有幾多料都叫晒佢個啲人嚟嘅，其實最好係俾我叫晒佢再兩份share食．．．但阿鬼佬佢地又唔鍾意咁食，攪到我成日都只係食得個兩樣，又唔可以叫晒我想食的各樣材料．．．哇，如果可以叫多啲就好囉，可以叫埋sausage, bacon, cheese, pancake, waffle... ... etc... etc...
美中不足就係啲咖啡，好似溝水咁，又唔香，又唔滑。同埋呢，個邊啲人一的都唔健康，佢個邊的人只飲凍水／汽水，我想要杯熱水，好似好難搵咁樣，攪到我成日要係屋企自製港式奶茶咖啡，好彩！我阿肥爹以前係開茶餐廳嘅，由細到大，我阿肥爹都係自己係屋企煲奶茶嘅，咁我都遺傳到一啲茶餐廳天份架！
呢個，佢話係biscuits，但我唔明，點解呢舊野會叫biscuits囉，阿肥鬼就覺得好好食，係佢嘅推介嚟嘅，但我就唔覺囉，好咸，如果佢分開上可能會好啲，等我可以鍾意點幾多sauce就點幾多．．．同埋呢，啲sauce(醬)根本多過啲biscuits好多．．．
回家的路，我忍不住又係咁影個啲又長又直嘅路．．．
睇唔到盡頭架！！！
我睇番呢張相，就覺得好似我鄉下－惠州，啲路上上落落，高高低低咁，分別係係惠州，啲路會係爛嘅，同埋，係會有好多好多賊，走出嚟打劫，呢度啲路，好似好走一啲．．．
我係個啲盡量唔去諗嘅人，因為我好係易喊嘅人．．．但你睇，阿肥鬼就無晒心機咁樣囉．．．(我影完之後扮睇唔到．．．哈哈)
No comments:
Post a Comment