早幾日暖番少少，仲以為唔通今年冬天咁快過？！
再加上尋日天氣報告話會落兩尺雪，但係到我地瞓個陣都無落雪，就諗“哈哈，終於到你呢邊的天文台唔準啦！”點知今朝一早起身，就己經成２吋雪。呢樣未算奇，最奇怪反而係落大雪，但係的雀仔竟然走晒出嚟係度食野。。。
係我同阿嫂傾緊電話個陣，我就同我隻little girl一齊係個窗台下面偷窺呢的好靚嘅雀仔
肥鬼話呢兩隻綠色身，紅色咀嘅係Cardinal（女仔）。
而當的女仔係度食野個陣，的男仔Cardinal就係樹上面值班。
就算男仔食飯都係輪班食架！
佢地守衛都好深嚴架，你睇下！左、中、右包圍。我個頭突出窗口多少少，佢都會吱吱叫，然後所有雀都即刻飛番上去樹個度。
值完班就輪到佢地開飯喇！
你地睇到一定以為點解的相咁矇，其實我已經用埋腳架，個的好矇嘅係雪嚟架。
係的Cardinal家族開飯個陣，有好多另一種嘅雀，身形細好多嘅（好似麻雀咁大）黑背白肚，不停係度執雞。即係做乜？咪就係搶位食野囉。
不過我諗佢地應該係Friend嚟嘅，因為有時的男Cardinal會動搖個Bird Feeder，等的食物跌落地，佢地就成堆飛落地下度食。
我最鍾意女仔Cardinal，因為我鍾意綠色，有個紅色咀仔，好似揸擦咗少少唇膏咁樣就夠喇，唔似的男仔Cardinal咁樣，全身火紅色，佢地太搶眼喇
No comments:
Post a Comment