點知咁啱個日又係肥鬼表嫂 K 叫埋我去上急救堂的日子，我都諗住放棄唔去慶祝架喇，因為佢地飯局位置，係要由我屋企向左邊高速公路揸車30分鐘，而急救堂的地方是完全相反的揸車10-15分鐘，所以，心裡都打定輸數，益鬼咗阿肥鬼出去自己玩一晚。
點知，係佢地傾去邊到食飯嘅時侯，有人提議去佢地屋企附近嘅日本餐廳呀呀呀呀呀！！！好在肥鬼都知呢個提議對我嚟講簡直係不容錯過呀！所以，佢幫我口叫佢地等埋我夜的先食呀。。。
話就話夜的，其實都要推到去夜晚9點先食，仲要主角遲大到，攪到成10點先正式開餐。
好在，呢間係堅嘅日式餐廳呀，唔係美式化咗個的呀！！！
睇下！係個的係你面前即席煮餸個的呀！一入嚟睇到個格局，就諗起好耐之前同大佬一家人返深圳食個次，真係無得比呀！不過，係呢度，呢間算係好好好日本架喇！
朋友D同佢現役女友C（現役：因此君平均一年就會介紹一個新朋友我地識！）
（左邊）肥鬼朋友 A，佢老婆 K（右邊）肥鬼朋友 J，佢老婆 L
佢地全部都係奉獻咗佢地嘅身一次係呢度呀！人生第一次的日本菜！可想而知，佢地的美國人嘅食物種類真係少得可憐！漢堡包，比薩，熱狗！！！
有呢的show kitchen 係度，表演下一定有啦！洋蔥火焰山！
一如我預測，佢地一個二個都係大鱷嚟架 － 唔熟唔食！！全部都要煮熟架！
其實佢地個餐係有：一碗清湯，一個日本湯碗咁大的沙律，主菜可選一或兩種肉，加炒飯，同炒配菜。係得咁多喇！一種肉的餐大約係US$18，兩種肉的餐好似係US$20，如果肉類選steak / filet mignon (烤里脊肉)就會係US$23。佢地覺得已經好抵好多野食，但係其實整埋同一個碟頭餐真係無乜分別。。。
題外話：係門口個陣，朋友K問我乜野係clear soup(個餐包的湯)？？？我只可以答係類似雞湯(chicken broth)咁樣囉！佢話點解飲雞湯咁奇怪？？佢比地都唔明我地嘅湯通常係流質狀態(watery / minestrone)，因為水份身體最容易吸收，係要嚟飲的；但佢地嘅湯通常係杰的(thick soup)，係要嚟食的，而佢地又覺得湯係一個餐入面嘅一道菜，不過如果人地比miso soup佢地又唔係人人識飲（會飲）所以餐廳咪比"雞湯"你囉！
跟餐每人兩隻的蝦，到最後都去晒我個碟到！！！係呀！唔識食就係咁囉，由細到大都無接觸海鮮囉！！！的蝦好新鮮，好大隻呀。。。。正呀！
最後，得我一個人食呢一碟，整整一年無見過，無聞過，無摸過嘅壽司加魚生拼呀呀呀呀呀呀！！！！！
呢碟咁樣嘅壽司要 US$23(HK$180)呀，唔係真係好耐無食過，再加上仲有兩日就係新年，當比個理由自己食一年一度團年飯喇，咁先叫呢碟渣！貴唔貴都唔係主要，係好怕比咗好貴嘅錢都食唔到正宗嘅野（淨係得的美式日餐），而你又知道係香港呢碟野最多咪HK$80，寧願一次過返香港個陣勁食好過係度比人掠呀麻！！！
No comments:
Post a Comment