之前個幾次過嚟探肥鬼嘅時候，都試過落雪嘅日子！但好似今次咁樣，睇住的天氣由春天到夏天，秋天變冬天，梗係第一次啦。。。
係10月27日個日，已經落咗一陣小小的雪，係好小好小的雪，因為整日其實係落緊雨嘅，但係一陣一陣嘅雨之中，會見到有一點一點嘅雪飄落嚟。。。
呢的一點點嘅就係雪喇。。。
不過係10月27日個陣仲未夠凍，所以一跌落嚟就溶晒喇
之後嘅一個星期，又暖番少少，去到60-65F咁上下。。。
到咗尋日下午，又見到一陣一陣嘅雨，中間又有的一點點野飄飄吓。。。
你睇吓，我個deck仲係睇到木板地架麻。。。
一個唔覺意，係夜晚肥鬼返嚟個陣。。。噢，白雪已經降臨了！
即刻再去後園睇睇。。。
已經唔見咗的木板地囉
連太陽椅都比冰封喇
今朝再睇，應該係尋晚不停落。。。落咗一吋雪到啦！
No comments:
Post a Comment