雖然係我後園可以近距離見到好多大自然嘅"直播"節目，我係 yt 都仲有睇呢對“夫妻”嘅生活日常。
Jackie and Shadow
係加州一個公園入面呢對鷹夫妻。
佢地係一對年輕夫妻，前兩年的蛋都孵唔出BB，直到今年生咗3粒蛋，係3月成功孵咗3隻BB出嚟，可惜唔夠一星期，一個落大雪嘅夜晚就凍死咗一個BB。
依家係一家四口，只係兩個月大，但係兩雙BB已經好大雙。
點解叫大家快啲去揾嚟睇，因為兩個BB就嚟“起飛”啦！佢地通常係10-14星期大就會飛，依家已經成日見到佢地係大風嘅時候展翅跳起，隨時一日再刮大風就係踏出鳥巢的一日。
上面張相係阿媽Jackie夜晚同兩個BB過夜，進入五月，佢已經開始有的晚上會離開，去附近的樹過夜，第日先返嚟睇的BB (有時捉條新鮮魚嚟比BB早餐）兩個BB獨自係巢嘅時間會越嚟越多。
============
我成日睇住呢的動物世界嘅直播，就會覺得人類小朋友好幸福，現今的父母“貼身”照顧小朋友，差不多去到“過份”保護的程度。
然後我看著鷹媽媽，佢兩個BB一世未離開過個巢，點知佢曉飛呢？仲要無得試吓先架喎？一嘢就係嗰棵幾百呎高嘅樹一嘢飛落嚟！唔似我地人類細路要贏在起跑線，細個就要面試，佢兩雙鷹BB一嚟就會係live or death嘅情況！
好緊張呀！
============
朋友啱啱抱孫嘅同時，發現自己養兩雙雀生咗BB，係到話攪到一頭煙。
我話佢知，人類想得太多喇，有時大自然自有安排，雀媽媽唔洗受教育讀過書，都識要點做去養大個BB架，呢個係天然直覺。
No comments:
Post a Comment